Vitoria-Gasteizko Ingeniaritza Eskolako irakasleak UPV/EHUko Fabrikazio Aeronautiko Aurreratuko Zentroko kide, BBK-k eta SER kateak antolatutako GJH saria jaso dute, Oparotasunaren alorrean.

Sari honekin, SER Euskadi kateak eta BBK-k ikusarazi eta saritu nahi dute Garapen Jasangarrirako Helburuak lortzen laguntzen duten pertsona, enpresa eta erakundeen lana.

Amaia Calleja eta Haizea Gonzalez UPV/EHUren Fabrikazio Aeronautiko Aurreratuko Zentroko kideak dira. Zentroak BECold teknologiagatik saritu dute, CO2 birziklatuko hozte kriogenikoa erabiltzen baitu taladrinak, mekanizazio bidezko fabrikazio prozesuetan erabiltzen den petroliotik eratorritako fluidoa ordezteko. Teknologia honek nabarmen murrizten du karbono aztarna, % 50 eta % 90 artekoa, lantaldeak egindako bizi zikloaren analisien arabera.