Deskribapena

Asteazken honetan, abenduak 14, arabar campuseko Unibertsitate pabiloian (Apraiztarrak, 1. 01006 Vitoria-Gasteiz) The Wogglesen kontzertua izango da 19.00etan abiatuta, ehukultura programazioko jardueren barruan.

Badago testamentua egin aurretik nahitaez zuzenean ikusi beharreko talde bat: The Woggles. Oraindik ere musikan jarduten duten garage talde guztien artetik, Athenseko laukote hau oholtza gaineko apustu seguruetako bat da. 25 urtetik gora eman dute klasea, karra eta dibertsioa adierazten dituen izena eraikitzen. Urte mordoa 60ko urteetan sustraituriko, baina zaharkitu gabeko rock-and-rolla aletzen. Urte mordoa euren kontzertuetan izan diren gizabanakooi tentsioa areagotzen eta oinetakoak hondatzen.

Sarrera dohainik eserlekuak bete arte.