ESTA ASIGNATURA ÚNICAMENTE SE OFERTA EN EUSKERA



Ikasleak komunikabideetako genero nagusien hizkuntza-ezaugarriak eta baliabideak identifikatzen eta praktikan garatzeko gaitasunak lantzen ikasiko du.

Era berean, estilo-gomendio nagusiak ezagutuko ditu; orobat, komunikabideetako profesionalen hizkuntza-auziak kritikoki aztertu eta erabakitzeko gaitasuna ere garatuko du.

Euskararen erabilerari dagokionez, euskara batuko araudi nagusia eta gramatikako auzi eta zalantza-iturri ohikoenak landuko dira.

Euskararen Erabilerak Komunikabideetan lehen ikasturtean irakasten da Komunikazioko hiru graduetan eta derrigorrezkoa da. Irakasgai honetan, euskara zuzenean lantzen dute komunikazio graduetako ikasleek. Beste irakasgai batzuetan, zeharka; honako hauetan: 1. Ikasturtean, Berrien Idazkera Prentsan, Informazio Generoak, Ikus-entzunezko Hizkuntza; 2. ikasturtean, Ziberkazetaritzako Idazkera, Berrien Idazkera Irratian, Berrien Idazkera Telebistan; 3. ikasturtean, Interpretazio Generoak, Erreporterismoa, Informazio Lokuzioa; 4. Ikasturtean, Iritzi Generoak, Kazetaritza Espezializatua.

Gaitasunak:



Komunikabideetako profesionalak hizkuntzaren garapenean duen erantzukizunaz jabetzea, komunikabideetan hizkuntzaren erabilera baldintzatzen duen egoera soziolinguistiko eta kulturaletik abiaturik.

Komunikabideetako genero nagusien hizkuntza-ezaugarriak eta baliabideak identifikatu eta haiek praktikan garatu.

Estilo gomendio nagusiak ezagutu eta komunikabideetako profesionalen hizkuntza-auziak kritikoki aztertu.

Euskara batuko araudi nagusiaren berri izatea.

Euskal gramatikako auzi eta zalantza- eta akats-iturri nagusien berri izatea.



Emaitzak:



Komunikabideetan hizkuntzaren erabilera baldintzatzen duen egoera soziolinguistiko eta kulturala ezagutzen ditu eta komunikabideetako profesionalak hizkuntzaren garapenean duen erantzukizunaz jabetzen da.

Komunikabideetako genero nagusien hizkuntza-ezaugarriak eta baliabideak identifikatzen ditu eta haiek praktikan garatzeko gai da.

Estilo gomendio nagusiak ezagutzen ditu eta komunikabideetako profesionalen hizkuntza-auziak kritikoki aztertzeko gai da.

Euskara batuko araudi nagusia ezagutzen du.

Euskal gramatikako auzi eta zalantza- eta akats-iturri nagusiak kritikoki aztertzeko gai da.

Egitarauak bat egiten du komunikabideetako graduetako memoria egiaztatuan adierazitako gaitasunekin, bereziki jariakortasunez eta eraginkortasunez (ahoz nahiz idatziz) komunikatzearekin, komunikabideetako hizkuntza-baliabideak egoki erabiliz, eta talde lanean aritzearekin; zeharkakoekin, bereziki lokuzioa eta ahozko eta gorputzaren komunikazioa garatzearekin; eta espezifikoekin, bereziki informazioarekin eta komunikazio idatzi edo ahozkoari lotutako genero eta formatuak aztertzearekin, interpretatzearekin eta balioestearekin.

1. Euskara batua eta arauak

1.1. Arauak: ortografia

1.2. Arauak: izena

1.4. Arauak: aditza

1.3. Arauak: sintaxia

1.4. Arauak: ahoskera (EBAZ)

1.5. Euskara batua eta euskalkiak

1.6. Euskalkien ezaugarri nagusiak



2. Euskararen arauak (gramatika)

2.1. Euskal morfosintaxiko arazo-iturri nagusiak

2.2. EHULKU: EHUko Euskara Zerbitzuaren aholkuak: morfosintaxi arlokoak

2.3. MIZA: Morfosintaxiaren inguruko zalantzak eta argibideak (EIMA)

2.4. Kalko okerrak (EIMA)



3. Testugintza eta kohesioa

3.1. Hizkuntzaren funtzioak eta testu motak. Komunikabideetako testuak (informazio-, interpretazio-, iritzi-, publizitate-testuak)

3.2. Testugintza: koherentzia eta kohesioa. Kohesioaren aurkako huts arruntak

3.3. Kohesioa idazkeran: puntuazioa eta puntuazio markak

3.4. Esaldiaren antolamendua eta hitzordena

3.5. Esalditik testura. Konexioa: diskurtso markatzaileak. Juntagailu, lokailu edo diskurtso-markatzaile zenbaiten erabilera okerra



4. Hizkuntzaren kalitatea, hizkuntza-mailak eta -erregistroak

4.1. Zer da hizkuntzaren kalitatea edo kalitatezko erabilera, eta zein dira kalitate-irizpideak?

4.2. Hizkuntza-mailak eta -erregistroak. Komunikabideetako hizkera.

4.3. Erregistro berezi batzuk: gazteen hizkera, code-switching-a, idiolektoak…



5. Komunikabideetako generoak, estiloak eta hizkuntza-estrategiak

5.1. Informazio-generoak: formatuak, egiturak, estiloak, hizkuntza-ezaugarriak, hizkuntza-arazoak, estrategiak, baliabideak, gomendioak…

5.2. Estilo liburuak eta kontsulta baliabideak

5.3. Iritzi-generoak eta publizitatea.

5.1. Iritzi-generoaren hizkuntza ezaugarriak. Modalizazioa. Argudiaketa: egoki

argudiatzeko gida.

5.2. Publizitatea: hizkuntza-ezaugarriak.



6. Komunikabideen eginkizuna gizartean euskararen erabileran eta

garapenean

6.1. Euskararen egoera sikosoziolinguistikoa.

6.2. Komunikabideen Argitalpen-politika eta komunikabideen egitekoa

euskararen erabileran eta biziberritzean.

6.3. Komunikabideetako profesionalen eginkizunak eta erantzukizunak.

Irakasgai honetan eskola magistralak eta jarduera praktikoak erabiliko dira. Eskola magistraletan irakasleak azalpen laburrak emango ditu, eta ikasgaiko denbora gehiena jarduerak eta lan aplikatuak egiten emango dute ikasleek. Klaseko jarduerak eta lan aplikatuak taldeka egingo dira.

• Sistema de Evaluación Continua
• Sistema de Evaluación Final
• Herramientas y porcentajes de calificación:
  • Prueba escrita a desarrollar (%): 30
  • Prueba tipo test (%): 30
  • Trabajos en equipo (resolución de problemas, diseño de proyectos) (%): 40

Irakasgaia amaierako ebaluazio jarraituaren bidez kalifikatuko da.



Azterketan kontuan hartuko dira honako hauek:



- Kontzeptuak bereganatu dituzten eta kasu praktiko batean gauzatzeko gai diren.



- Hizkuntzaren aldetik unibertsitateko tituludun batengandik espero den zuzentasun- eta egokitasun-maila duen.



Azterketa bat izango dute lauhilekoaren erdialdean (%40).

Horretaz gainera, azterketa bat egin beharko dute lauhilekoaren amaieran (%60).

Ezohiko deialdian lauhilabetean zehar landutako ezagutzak azken proba idatzi batean ebaluatuko dira.

Irakasleak UPV/EHUko Campus Birtualeko EGELA plataforman jarritako materialak.

Bibliografía básica

EUSKALTZAINDIA

Euskal Gramatika Lehen Urratsak I-VII (1985-2011)

Euskararen gramatika (2021)

Euskara Batuaren Eskuliburua (2018) (zalantzen hiztegi bat)

Euskaltzaindiaren hiztegia (2012)

Orotariko Euskal Hiztegia (1985-2005) (euskararen hiztegi historikoa)

ZEHAZKI hiztegia (Ibon Sarasola) (2017) (euskara-euskara, OEHn oinarritua)



EIMA

Kalko okerrak (2005)

Morfosintaxiaren inguruko zalantzak eta argibideak (2011)

Ortotipografia (2004)

Puntuazioa egoki erabiltzeko gida: oinarriak, jarraibideak eta aholkuak (2014)



EHU EUSKARA ZERBITZUA

EHULKUren aholkuak (2006-2021)

Testugilearen eskuliburua saila (Juan Garzia) (maila txikitik handira ordenatuak)

Izen-sintagmaren antolaera (2019)

Esaldiaren antolaera. Funtzio informatiboak gako (2015)

Esaldiak josten (2017)



BERRIA

Berria. Estilo liburua (2013)



IVAP

Hizkera argiaren bidetik (1994)



ESTILOA LANTZEKO

Exercices de style (Raymond Queneau) Gallimard, 1947

Ejercicios de estilo (1999) Cátedra (Antonio Fernándezen edizioa)

Estilo-ariketak (2008) (Xabier Olarraren itzulpenak)



AUSPOA BILDUMA (Antonio Zavala) (Ahozkotasunean oinarritutako prosa dastatzeko)

Herri-literatura. Ahozkotasuna. Bertso-paperak…



GLOSARIO TERMINOLOGIKOAK (Euskalterm datu-basea elikatzeko)

Feminismoa eta berdintasuna HIZTEGIA

Sare sozialak HIZTEGIA



BESTELAKOAK

Euskara batuaren ajeak (Ibon Sarasola) (1997). Alberdania

Euskararen sendabelarrak (Koldo Zuazo) (2000). Alberdania

Bibliografía de profundización

Direcciones web

http://www.euskara.euskadi.net (EIMAkoak)
http://www.euskaltzaindia.eus/arauak
http://www.euskaltzaindia.eus/oeh
http://www.euskaltzaindia.eus/hiztegibatua/
http://www.euskaltzaindia.eus/gramatika
https://www.euskadi.eus/euskalterm/ (EUSKALTERM datu-base terminologikoa)
https://www.ehu.eus/es/web/euskara/ehulkuren-aholkuak (EHULKU aholkuak)
https://www.ehu.eus/eu/web/euskara/ehu-kontsultagunea
https://hiztegiak.elhuyar.eus/hiztegia (euskara-gaztelania kontsultak)