nireEHU Egungo gizartea etengabe ari da aldatzen, oso bizkor gainera, eta egoera berriak sortzen dira, eragile berriekin eta arazo mota desberdinekin. Psikologiak erantzuna ematen die eskaera hauei eta aurre egiten die erronka zoragarriei.
Psikologiako Graduan eskura izango dituzu giza portaera ulertzeko, interpretatzeko, aztertzeko eta azaltzeko tresnak. Horrez gain, oinarrizko trebetasunak eta gaitasunak garatuko dituzu norbanakoak eta gizartea ebaluatzeko eta horien esparruan esku hartzeko, pertsonen osasuna eta bizi kalitatea sustatze eta hobetze aldera.
Titulazio hau elebiduna da. Gradua euskaraz eta gaztelaniaz egin daiteke. Gainera, Ingelesez ikasgairen bat egiteko aukera dago.
Ezagutza arloa
Osasun Zientziak
Ikastegia
Campusa
Gipuzkoa
Harremanetarako
Iraupena
4 ikasturte
Kreditu kopurua
240 ECTS kreditu
Hizkuntzak
Euskara, Gaztelania, Ingelesa
Irakaskuntza mota
Ikasgelako gradua
Kredituaren prezioa 1. matrikulan
18,29 €
Gutxieneko nota
Eskainitako plazak
250 plaza
4 arrazoi gradu hau aukeratzeko
- Titulazio honekin prozesu psikologikoak arautzen dituzten legeak eta printzipioak ulertuko dituzu, baita horien oinarri biologikoak, sozialak eta kulturalak ere bai.
- Psikologiaren aplikazio-eremuak ezagutuko dituzu.
- Gizabanakoen, taldeen, komunitateen eta erakundeen osasuna eta bizi-kalitatea sustatzeko beharrezko ezagutzak eskuratuko dituzu.
- Harremanak izaten eta modu eraginkorrean komunikatzen ikasiko duzu, maila pertsonalean, profesionalean eta zientifikoan, modu autonomoan, eta, gainera, bakarka zein taldean lan egiteko gai izango zara.
Sarrera-profila
Gizakia aztertu nahi baduzu, gizarte errealitate anitzarekiko eta bertan dauden kultura desberdinekiko sentsibilitatea baduzu, eta pertsona arteko harreman egokiak sortzeko eta autokritika egiteko gaitasuna baduzu, Psikologiako Graduan dago zure lekua.
Irteera profesionalak
Psikologiako Gradua proiekzio eta irteerarik gehien dituen graduetako bat da. Psikologia klinikoaren, hezkuntza psikologiaren, lanaren psikologiaren eta esku-hartze sozialaren arloetan jardutea ohikoena bada ere, beste hainbat aukera daude:
- Larrialdien kudeaketa
- Epaitegi eta auzitegietako lana
- Bizi kalitatea hobetzeko zerbitzuak, kultura zerbitzuak eta aisialdi zerbitzuak
- Aholkularitza bullying eta cyberbulling kasuetan
- Kirolaren psikologia, besteak beste, futbol taldeei aplikatua.
- Nazioarteko lankidetza programen diseinua
- Aholkularitza lantalde kolaboratiboetan