-
Denboran zehar bidaia bat; Araiako gaztelura itzultzea
-
20.000 lagun inguruk egin dute aurretiazko izen-ematea UPV/EHUn gradu ikasketak egiteko
-
UPV/EHU mundu mailako abangoardian kokatu da komunikazio kritikoei dagokienez
-
Itziar Laka, Eusko Ikaskuntza-Laboral Kutxa 2024 Saria, ikerketa linguistikoagatik
-
‘FOS Detection’ proiektuak lehen saria lortu du ‘Think Big 2024’ sarietan
Cebanc-eko ikasleek Gipuzkoako Campuseko Datuak Prozesatzeko Zentroa bisitatu dute
- Kronika
Lehenengo argitaratze data: 2023/06/23
![](https://www.ehu.eus/documents/10136/45587092/visita-Cebanc_web.jpg/c682e133-5d77-3338-f887-49a61046a2dc?t=1687521033926)
Cebanc Unibertsitateko Lanbide Heziketako Erdi Mailako Mikroinformatika Sistemak ikasgaiko 24 ikaslek, Iñaki Jiménez irakaslearekin batera, Euskal Herriko Unibertsitateko Gipuzkoako Campuseko Datuak Prozesatzeko Zentroa (DPZ) bisitatu zuten. Zentro hori Joxe Mari Korta Zentroan dago, Donostian. Bisitan, DPZ nolakoa den eta bere ezaugarriak erakusteaz gain, Liborio Revilla Gipuzkoako Campuseko Proiektuen Arloko buruak eta IKT koordinatzaileak eta Fernando Garmendia Sarbide Sareen teknikariak ikasleek planteatutako zalantza guztiei erantzun zieten.
“Datuak Prozesatzeko Zentroa (DPZ) – azaldu du Liborio Revillak – ekipamendu informatikoa hartzeko bereziki prestatutako gela da: ordenagailuak eta komunikazioak. Gela hauek tenperatura- eta hezetasun-baldintza konstanteak mantentzeko prestatuta daude. Era berean, etengabe elikatzeko sistemen eta multzo elektrogenoen bidez, etengabe elektrizitatea hornitzeko prestatuta daude.” Gipuzkoako Campuseko Proiektuen Arloko buru eta IKT koordinatzailearentzat bisita mota hauek oso positiboak dira. Liborio Revillak azpimarratu duenez, “interesgarria iruditzen zait informatikaren arloko etorkizuneko langileek beren lan-bizitza hasten dutenean agian toki horretan bertan lan egitea.”