Deskribapena

Asteazkenean, urriak 10, arabar campuseko Unibertsitate pabiloian (Apraiztarrak, 1. 01006 Vitoria-Gasteiz) Dr. Maha's Miracle Tonic taldearen kontzertua izango da 19.00etan abiatuta, EHUkultura programazioko jardueren barruan.

Swing, western swing eta rhythm'n'blues doinuaz, eramango gaitu Dr. Maha’s Miracle Tonic banda bilbotarrak 30 eta 40. urteetako musikara, XX. mende hasierako Medicine Shows saioei omen egiteko asmoz. Ehunka saio eginak ditu Dr. Maha’s Miracle Tonic taldeak 2011ko udan osatu zenetik, baina eta sari ugari jaso ere izan handiko lehiaketetan, bestak beste, Bilboko Hiria pop-rock lehiaketan edo El Pais bezalako hedabide nazionalen eskutik. Urte hauetan guztietan, atzerrian jo izan dute eta hiru disko luze grabatu, hauetariko azken, Bank Robbers, 2016an.

Sarrera dohainik eserlekuak bete arte.