Deskribapena

Euskal herriko Unibertsitateko Ekonomia eta Enpresa Fakultateak, Araban, 2022/2023 ikasturtean ikasketak amaitu zituzten ikasleen graduazio ekitaldia egingo du. Ekitaldian diplomak emango zaizkie 2023an graduatuei, bai Enpresen Administrazio eta Zuzendaritzan, bai Digital Management & ERP: Enpresaren Kudeaketa 4.0 Masterrean graduatutakoei. 

Ekitaldian izango dira Eva Ferreira Euskal Herriko Unibertsitateko errektorea, Sonia Díaz de Corcuera Gasteizko Udaleko Kultura eta Hezkuntza zinegotzia, Miren Artaraz Eusko Jaurlaritzako Unibertsitate Politika eta Koordinazioko zuzendaria eta Jon Barrutia Ekonomia eta Enpresa Fakultateko dekanoa. 

Francisco Javier Forcadak, fakultateko Arabako ataleko dekanorde koordinatzaileak jardungo du zeremonia maisu gisa eta klase magistrala Luis Albak emango du, Sarkis Lagunketako zuzendari nagusiak.