-
Denboran zehar bidaia bat; Araiako gaztelura itzultzea
-
20.000 lagun inguruk egin dute aurretiazko izen-ematea UPV/EHUn gradu ikasketak egiteko
-
UPV/EHU mundu mailako abangoardian kokatu da komunikazio kritikoei dagokienez
-
Itziar Laka, Eusko Ikaskuntza-Laboral Kutxa 2024 Saria, ikerketa linguistikoagatik
-
‘FOS Detection’ proiektuak lehen saria lortu du ‘Think Big 2024’ sarietan
Graduazio ekitaldia Letren Fakultatean
- Kronika
Lehenengo argitaratze data: 2022/11/29
![](https://www.ehu.eus/documents/10136/41322754/graduacion+letras_web.jpg/3d080254-2c17-2cdd-3fca-324e427aff55?t=1669732288086)
Euskal Herriko Unibertsitateko Letren Fakultateko Areto Nagusian 2021/22 ikasturtean graduatu ziren ikasleen graduazioa bi ekitalditan ospatu zen. Hain zuzen ere, lehenengo saioan Filologia (63), Ingeles Ikasketak (63) eta Euskal Ikasketak (40) titulazioetako ikasleak izan ziren protagonista. Bigarrenean aldiz, Historia (76), Artearen Historia (23), Geografia eta Lurralde Antolamendua (18) eta Itzulpengintza eta Interpretazioa (56) titulazioetan graduatu zirenak.
Manoli Igartua UPV/EHUko Arabako Campuseko errektoreordea eta Belen Bengoetxea fakultateko dekanoa izan ziren ekitaldiko buru. Bietan Iñaki Bazán Díaz izan zen aitabitxi, Filologia eta Historia Saileko irakasle agregatua eta ikastetxeko dekano ohia.
Diplomak emateaz gain, ekitaldian Letren Fakultateko langile erretiratuak omendu ziren eta ikastetxean ematen diren masterrak amaitu dituzten ikasleei tituluak eman zitzaien: Literatura Konparatuaren eta Literatur Ikasketen Unibertsitate Masterra (12), Euskal Hizkuntzalaritza eta Filologiako Unibertsitate Masterra (5), Hizkuntzalaritza Teoriko eta Esperimentaleko Unibertsitate Masterra (12), Hizkuntzak Testuinguru Eleaniztunetan Eskuratzeko Unibertsitate Masterra (8) eta Unibertsitate Masterra Europan eta Atlantikoan. Kultura Boterea eta Gizartea Masterra (7).