Deskribapena

Informatika Fakultatearen graduazio ekitaldia

Ostirala, urriaren 20an, 18.00etan, Euskal Herriko Unibertsitateko Ignacio María Barriola zentroko auditorioan, Donostian, Informatika Fakultateko Informatikan Ingeniaritzako graduko eta master ezberdinetako 2022-2023 promozioko 168 ikasleren graduazio ekitaldia egingo da.

Ekitaldiaren buru Eva Ferreira UPV/EHUko errektorea eta Alexander Mendiburu Informatika Fakultateko dekanoa izango dira. Ekitaldian Leire Hernandez Ikasle Kontseiluburuk parte hartuko du ere. Era berean, Eider Irigoyen Vicomtech-en ikertzaileak hitzaldia eskainiko du. Izenburua: ‘Gradu bat, milaka aukera’.

PROGRAMA

• Ekitaldiaren aurkezpena, Borja Calvo Informatika Fakultateko Kanpo Harremanetako eta Ikerkuntzako dekanordearen eskutik
• Alexander Mendiburu Informatika Fakultateko dekanoaren hitzak
• Eider Irigoyen Vicomtech-en ikertzailearen hitzaldia
• Diploma banaketa
• Ekitaldiaren amaiera, Eva Ferreira UPV/EHUko errektorearen eskutik

*Ekitaldi hau zuzenean ikusi ahal izango da: https://labur.eus/Graduazioa23