Deskribapena

Arabako Campuseko Unibertsitate Pabiloian izango da Nadine Khouriren emanaldia, ‘Kontzertuak campusean’ kontzertu programaren barruan.

Libanoarra, Londresen bizi den arren, Nadine Khourik deserrotzearen alaba gisa definitzen du bere burua, eta kontatzen du bere kantuak minetik sortzen direla, kanpotarra dela betiko jakitearen sentimendu mingarriak eraginda. Halabeharrez, bere musikak eskaintzen ditu malenkonia sakona, zintzotasuna eta izaera konfesionala, bai eta edertasun lasai eta dotorea ere. Bere ahots espektral, bero eta delikatuak Hope Sandoval, Stina Nordenstam edo Julee Cruiseren ahotsak gogorarazten ditu, eta atmosfera ameslari, aztoragarri eta zirraragarriak eraikitzeko premisa akustikoak ditu abiapuntu. Ez da harritzekoa John Parish ospetsuak, emakumezko ahotsetarako gustu bikainaz baliatuta, beronengana jo izana, ez eta Nick Cave sosegatuena, The Walkabouts hautseztatuenak, eta Tindersticks zinematikoenak gogorarazten dizkiguten estudioko bi disko bikain ekoitzi izana ere.