Deskribapena

Maiatzaren 27an, astelehena,11:30ean, Donostiako Miramar Jauregian, Ricardo Echepare Euskal Herriko Unibertsitateko Uda Ikastaroetako zuzendari izandakoaren izena eramango duen aretoa eta konferentziak aurkeztuko dira. Era berean, eta UPV/EHUko Uda Ikastaroen baitan, hezkuntzako profesionalei zuzendurik aurrera eramango diren 'Irakasteko Ikasten' eta 'Prest Gara' programen berri emango da.

Aurkezpenean honako hauek izango dira:

• Eva Ferreira, UPV/EHUko errektorea eta Uda Ikastaroak Fundazioaren patronatuaren presidentea.
• Eneko Goia, Donostiako alkatea.
• Jokin Bildarratz, Eusko Jaurlaritzako Hezkuntza sailburua.
• Agustin Erkizia, UPV/EHUko Gipuzkoako Campuseko errektoreordea.
• Itziar Alkorta, UPV/EHUko Uda Ikastaroen zuzendari akademikoa.