Euskal Herriko Unibertsitateko Gipuzkoako Campusak 2022-2023 ikasturtean espediente onena izan zuten ikasle bikainak aitortu zituen. Ekitaldi hunkigarria izan zen, Carlos Santamaria Zentroko auditorioan, Agustin Erkizia campuseko errektoreordea eta Fernando Tapia Ikasleen eta Enplegagarritasunaren arloko errektoreordea buru zirela. Campuseko idazkari akademikoa den Idoia Otaeguik ere hitz egin zuen. Ekitaldian ikasleen senideak, dekanoak, ikastegietako zuzendariak eta campuseko taldea izan ziren. Ekitaldian zehar, Juan Diego Rodriguez ikasle ohiak, Interstockeko datuen proiektu-zientifikoaren buruak, hitzaldi bat eman zuen. Era berean, Jon Fernandezek omendutako ikasleen izenean hitz egin zuen. Ondoren, Nerea Ibarzabal eta Uxue Alberdi bertsolariek elkarrizketa poetikoa egin zuten, ‘Ikasle bikanen argi ilunak’ izenburupean. Zirrara handiko ekitaldia izan zen, eta Nahia Valleren emanaldiarekin amaitu zen.