MODULUA

M10-PROZESUAREN KUDEAKETA



GAITASUNAK

M10CM01; Eraikuntza-prozesuak, obra-taldeak eta obren exekuzio eta mantentzerako behar diren baliabide teknikoak eta giza baliabideak programatu eta antolatzeko gaitasuna.



IKASKUNTZA EMAITZAK

- Obra batean burutu behar diren funtzio desberdinak eta hauen arteko interakzioak aztertzen ditu.

- Obra batean azken emaitzan eragin zuzena izango duten parametro gakoak identifikatzen ditu.

- Beste kideekin taldean lan egiten du.

- Lan taldean edo bakarka sortutako informazioa ulertu, azaldu eta transmititzen du.

1. Sarrera: Obra baten kudeaketa eta antolamendua

2. Obra baten ezaugarriak eta proiektuen kudeaketa

3. Plangintza metodo eta teknikak

4. Aurretiko lanen eta eraisketak. Plangintza, antolakuntza eta kontrola

5. Lur mugimenduak.

6. Zimendu eta saneamendu horizontalak.

7. Egitura. Plangintza, antolakuntza eta kontrola

8. Kanpo itxiturak. Plangintza, antolakuntza eta kontrola

9. Barne itxiturak. Plangintza, antolakuntza eta kontrola

10. Instalazioak. Plangintza, antolakuntza eta kontrola

11. Akaberak. Plangintza, antolakuntza eta kontrola

12. Urbanizazioa. Plangintza, antolakuntza eta kontrola

Irakasgaiak eskola teorikoak eta irakaskuntza aktiboak konbinatuko ditu. Astero gai bat landuko da. Teoria klaseak ordubeteko iraupena izango dute gehienez, eta proiekzio edo arbeleko eskemen bidez lagunduak egongo dira. Erabilitako irakaskuntza materiala eGela plataformara igoko da klasean azaldu baino lehen. Aktibitate desberdinak kurtsoaren hasieratik programatuko dira. Ikasleen gida kurtsoaren hasieratik egongo da eGela plataforman.



Gai bakoitzeko klaseko praktika bat egingo da, ikasleek eduki teoriko-praktikoak ulertu eta aplikatzeko. Praktika hauek taldean garatuko dira gehienetan, ikaskuntzako metodologia aktiboak erabiliz, talde lan kooperatiboa eta autonomia bultzatzeko asmoarekin. Klaseko praktikak ebaluatuta itzuliko zaizkie ikasleei epe labur batean. Feedback honetaz aparte, irakasleak praktiketan ikusitako gabeziak (akatsak, sakontasun eza...) komentatuko ditu klasean. Behin feedback-a egina dagoenean, ikasleek klaseko praktiken bertsio hobetu bat entregatzeko aukera izango dute, ebaluazio hezitzailea bultzatzeko.



Kurtso guztian zehar ikasleek praktika nagusi bat (ordenagailu praktika) egingo dute. Lan hau taldeka egingo da. Praktika nagusi honetan obra baten eraikuntza-prozesuen, obra-taldeen eta obren exekuzio eta mantentzerako behar diren baliabide teknikoen eta giza baliabideen programazioa eta antolakuntza egingo dute. Praktika hau fase desberdinetan bananduko da, gai bakoitzean ikasitakoa gradualki aplikatzen joango delarik. Fase bakoitzak entrega egun bat izango du. Tarteko entrega hauek ebaluatuta itzuliko zaizkie taldeei epe labur batean. Feedback honetaz aparte, irakasleak lanetan ikusitako gabeziak (akatsak, sakontasun eza...) komentatuko ditu klasean. Behin feedback-a egina dagoenean, taldeek fase hauen bertsio hobetu bat entregatzeko aukera izango dute, ebaluazio hezitzailea bultzatzeko. Kurtsoko azkeneko astean fase guztiak bilduko duen memoria tekniko bat entregatu eta egindako lanaren aurkezpen sintetiko bat egingo da.



Klaseko praktikak eta Praktika nagusiaz gain, irakasgaiak banakako proba idatzi bat izango du, azterketa garaian egingo dena.



Osasun baldintzek irakaskuntza aktibitatea edo/eta ebaluazio presentziala burutzea eragotziko balute, modalitate ez presentziala aktibatuko litzateke, ikasleak informatuko direlarik.

Irakasgai hau bi atal izango ditu: atal TEORIKOA ETA PRAKTIKOA. Irakasgaia gainditzeko ikasleak atal guztiak gainditu beharko ditu.



Irakasgai honek ETENGABEKO EBALUAZIOKO SISTEMA bultzatuko du. Ebaluazio mota hau GRADUKO TITULAZIO OFIZIALETAKO IKASLEEN EBALUAZIORAKO ARAUTEGIAK (EHAA 50. zk, 2017ko martxoaren 13a) arautzen du. Osasun baldintzek irakaskuntza aktibitatea edo/eta ebaluazio presentziala burutzea eragotziko balute, modalitate ez presentziala aktibatuko litzateke, ikasleak informatuko direlarik.



GRADUKO TITULAZIO OFIZIALETAKO IKASLEEN EBALUAZIORAKO ARAUTEGIAK (EHAA 50. zk, 2017ko martxoaren 13a) arautzen duen bezala, bi ebaluazio modalitate ezartzen dira OHIKO DEIALDIAren barruan.





1. A MODALITATEA: ETENGABEKO EBALUAZIO SISTEMA



1.1. Ikasleak, ETENGABEKO EBALUAZIOA betetzeko, praktika nagusia eta klaseko praktika GUZTIAK egin behar ditu. Lan hauek ezarritako epeetan eta derrigorrez entregatu edo aurkeztu behar ditu.



1.2. KLASEKO PRAKTIKEK irakasgaiaren %20 balioko dute. Lan hauetan lortutako batezbesteko nota 5 puntu edo gehiagoko puntuazioak (10 puntutatik) bakarrik emango dio ikasleari OHIKO DEIALDIko azterketa egiteko eskubidea.



1.3. PRAKTIKA NAGUSIAK irakasgaiaren %40 balioko du. Lan honetan lortutako nota 5 puntu edo gehiagoko puntuazioak (10 puntutatik) bakarrik emango dio ikasleari OHIKO DEIALDIko azterketa egiteko eskubidea.



1.4. Banakako AZTERKETA irakasgaiaren %40 balioko du. Proba honetan ikasleak 5 puntu edo gehiagoko puntuazioa (10 puntutatik) lortu beharko du irakasgaia gainditzeko.



1.5. ETENGABEKO EBALUAZIOAren prozesua behar den moduan betetzen ez duen ikasleak, bai praktika guztiak entregatu ez dituelako edota batezbesteko nota 5 puntu edo gutxiago (10 puntutatik) duelako, EZINGO DA OHIKO DEIALDIKO AZTERKETARA AURKEZTU. Ikasle horiek ETENGABEKO EBALUAZIOAn gutxiegi kalifikazioa izango dute eta EZOHIKO DEIALDIKO AZKEN EBALUAZIO bidezko ebaluatze sistemara pasatuko dira.



1.6. Ikasleek ETENGABEKO EBALUAZIO SISTEMAri bere kabuz uko egin diezaiokete. Ukatze hau lauhilabetekoaren lehenengo bederatzi asteen barruan egin behar da, irakasleari idazki bat entregatuz. Ikasle horiek OHIKO DEIALDIKO AZKEN EBALUAZIOA SISTEMAra pasatuko dira.



1.7. Klaseko praktikak eta praktika nagusia GAINDITU dituzten eta azterketara aurkezten ez diren ikasleak, EZ AURKEZTUAK bezala agertuko dira OHIKO DEIALDIan.



1.8. Klaseko praktikak eta praktika nagusia GAINDITU dituzten eta OHIKO DEIALDIko azterketa gainditzen ez duten ikasleek, ikasgaian gutxiegi kalifikazioa izango dute, azterketan lortutako notarekin.



1.9. Klaseko praktikak eta praktika nagusia GAINDITU dituzten eta OHIKO DEIALDIko azterketa gainditzen duten ikasleek, ikasgaia gaindituta izango dute, atal desberdinen arteko batezbesteko nota lortuz.





2. B MODALITATEA: AZKEN EBALUAZIO SISTEMA



2.1. Ikasleek ETENGABEKO EBALUAZIOAri uko egiteko eskubidea dute. Ukatze hau lauhilabetearen lehenengo bederatzi asteen barruan egin behar da, irakasleari idazki bat entregatuz. Ikasle horiek AZKEN EBALUAZIOA SISTEMAra pasatuko dira.



2.2. AZKEN EBALUAZIO SISTEMA bi zati izango ditu: AZTERKETA eta LAN GEHIGARRIA. Irakasgaia gainditzeko ikasleak 2 zatiak gainditu beharko ditu.



2.3. LAN GEHIGARRIA irakasgaiaren %30 balioko du. LAN GEHIGARRI honetan obra baten eraikuntza-prozesuen, obra-taldeen eta obren exekuzio eta mantentzerako behar diren baliabide teknikoen eta giza baliabideen programazioa eta antolakuntza egingo da. LAN GEHIGARRI honen memoria AZTERKETAREN EGUNEAN entregatuko da. LAN GEHIGARRIA entregatzen ez badu, ikasleak ezingo da AZTERKETAra aurkeztu eta EZOHIKO DEIALDIKO AZKEN EBALUAZIO bidezko ebaluatze sistemara pasatuko da.



2.4. AZTERKETA irakasgaiaren %70 balioko du. Proba honek bi zati izango ditu: zati TEORIKOA, %40 balioko duena, eta zati PRAKTIKOA, %30 balioko duena. AZTERKETA gainditzeko ikasleak bi zatiak gainditu beharko ditu.



2.5 AZTERKETAra ez aurkezteak ikasleak deialdiari uko egiten diola esan nahiko du eta EZ AURKEZTUAK bezala agertuko dira OHIKO DEIALDIan.

eGela

Oinarrizko bibliografia

García Valcárcel, Antonio (2004). Manual de dirección y organización de obras. Madrid: C.I.E. Dossat 2000.



García, Gonzalo (2001). Precio, tiempo y arquitectura: mediciones, presupuestos y planificación para edificación y obra civil. Madrid: Celeste.



Martínez Montes, Germán; Pellicer Armiñana, Eugenio (2007). Organización y gestión de proyectos y obras. Madrid: McGraw-Hill.



Mateos Perera, Jesús (2003). La programación en la construcción: el PERT en versión completa. Madrid: Bellisco, ediciones técnicas y científicas.



Moneo Martín, Marisol (2005). La dirección de obra. Madrid: Fundación COAM. Pomares



Martínez, Juan (1977). Planificación grafica de obras. Gantt-C.P.M.-P.E.R.T-ROY. Barcelona: Gustavo Gili.



Valderrama, Fernando (2010). Mediciones y presupuestos: para arquitectos e ingenieros de edificación. Barcelona: Reverte.



Zaragoza, Javier (2009). Planes de Obra. Alicante: Editorial Club Universitario

Gehiago sakontzeko bibliografia