Herri baten kultura ez da bakarrik hizkuntzaren, musikaren edo sinesmenen bidez transmititzen, eguneroko bizitzan erabiltzen dituen objektuen bidez ere ezagutu liteke. Erakusketa honek Euskal Herriko sei pieza etnografiko enblematiko aurkezten ditu: laiak, argizaiola, kaikua, laratza, millotarra eta pegarra. Horietako bakoitzak bizitzeko, lan egiteko, janaria prestatzeko edo naturarekin, denborarekin eta komunitatearekin erlazionatzeko modu jakin bat islatzen du. 

Pieza horiek tresnak baino gehiago dira: horien bidez komunitate bakoitzak objektuak nola sortzen dituen eta beharretara, paisaiara edo balioetara nola egokitzen dituen uler dezakegu. Euskal Herrian, sorkuntza material hori eskuzko lanarekin, ezagutzen ahozko transmisioarekin eta lurra eta itsasoarekiko loturarekin harremanduta egon da beti. 

Erakusketa hau ez da iraganera egindako bidaia bat bakarrik, gizarte gisa identifikatzen gaituen ondare materiala baloratzeko saiakera ere bada. Objektu horiek berreskuratzea eta ulertzea honakoak erabili, fabrikatu eta gorde zituztenak balioan jartzeko modu bat da.

Egileak: Maite Errarte eta Suberri Matelo (Aranzadi Zientzia Elkartea).

Erakusketa hau EHUk sortutako Jose Migel Barandiaran Katedraren baitan osatu eta finantzatutakoa da, Gipuzkoako Foru Aldundiarekin, Ataungo Udalarekin eta Eusko Ikaskuntzarekin elkarlanean. Katedra honek  ikerlariaren pertsona eta obra balioan jartzea eta bere bizitzako ardatz izan ziren ikergaiak ezagutzea, sustatzea eta sakontzea du helburu.