Deskribapena

Asteazkena, ekainaren 11ean, 11.30ean, UPV/EHUko Gipuzkoako Campuseko Carlos Santamaria Zentroaren auditorioan, aintzatespen diplomak eta bekak emango zaizkie UPV/EHUko Esperientziaren Ikasgeletan (55 urtetik gorakoentzat) ematen den Giza Zientzietako Unibertsitate Tituluaren hamabigarren promozioko (2010-2014) 42 ikasleei.

Gipuzkoako Campuseko errektore Ana Arrieta, Gipuzkoako Esperientziaren Ikasgeletako zuzendari Josu Chueca eta ikasleen ordezkari Iñaki Gurrutxaga izango dira ekitaldiko buru. Halaber, UPV/EHUko Egungo Historiako irakasle Coro Rubiok 'Historia en tiempos de memoria' izeneko hitzaldia eskainiko du.

Egitaraua:

• CUM JUBILO abesbatza: 'Agur Jaunak'
• Ekitaldiaren hasera: Gipuzkoako Esperientziaren Ikasgeletako zuzendari Josu Chueca
• Hitzaldia: UPV/EHUko Egungo Historiako irakasle Coro Rubio
• 4. mailako ordezkariaren parte-hartzea, Iñaki Gurrutxaga
• Hamabigarren promozioko ikasleei beken eta diplomen banaketa
• Ekitaldiaren amaiera: Gipuzkoako Campuseko errektoreorde Ana Arrieta
• CUM JUBILO abesbatza: 'Gaudeamus Igitur'
• Taldeko argazkia (agintariak eta ikasleak) zentroaren sarreran