Deskribapena

Urtarrilaren 16an, ostirala, 11:00etan, Euskaltzaindiaren egoitzan (Plaza Barria 15, Bilbo), Euskarazko Tesien IV. Koldo Mitxelena sariak banatuko dituzte Euskal Herriko Unibertsitateak eta Euskaltzaindiak. Sari hauek UPV/EHUk eta Euskaltzaindiak sortuak dira, euskarazko ikerketa bultzatzeko eta sustatzeko asmoz. Bi urterik behin deitzen diren sari hauek bost jakintza-arlo nagusitan banatzen dira: Zientziak; Ingeniaritza eta Arkitektura; Osasun Zientziak; Gizarte eta Lege Zientziak; eta Giza Zientziak.

Parte hartzaileak:

• Iñaki Goirizelaia, UPV/EHUko errektorea
• Andres Urrutia, euskaltzainburua
• Jon Zarate, UPV/EHUko Euskararen arloko errektoreordea
• Adolfo Arejita, euskaltzain osoa
• Bost kategorietako saridunak