Alba Pinilla Erizaintzako ikasleak karateko urrea lortu zuen Murtziako Cartagena herrian ospatutako Espainiako Unibertsitate Txapelketan. Kumite-50 kg kategorian lortutako garaipenarekin, UPV/EHUko karatekak sekulako denboraldia itxi du, estatuko 21 urtez azpiko, senior eta unibertsitate mailako txapelketetan hirukoa irabazi baitu.

Bestalde, Alex Ortiz de Zarate Kriminologiako ikasleak brontzea lortu zuen bere kategorian, bi borrokaldi irabazi eta bat galdu ondoren.

Bost izan ziren txapelketa horretan Euskal Herriko Unibertsitatea ordezkatu zuten karatekak. Aipatutakoekin batera, Irati Zulueta (kumite-55 kg), Laura Rama (kumite-61 kg) eta Xabier Landa (Kata) ere lehiatu ziren.