Deskribapena

2026ko Ikertzaileen Europako Gauaren barruan, Euskal Herriko Unibertsitateko Zientzia Planetarioen Taldeak behaketa astronomikoa antolatu du. EHUko ikertzaileek unibertsoan zeharreko bidaia liluragarri bat gidatuko dute, planeten azterketa ezagutzeko. Horretarako, Almeriako Calar Altoko Behatoki Astronomikotik urruneko konexioa egingo da zuzenean. Sarrera doan izango da, leku guztiak bete arte, eta aurrez aurre nahiz  streaming bidez jarraitu ahal izango da.

EHUk Europako G9EU4RESEARCH proiektuaren testuinguruan antolatu du ekimen hau. Proiektua G9-Unibertsitateak taldeak sustatzen du, eta honako ardatz hauetan oinarritzen diren ikerketak ezagutaraztea du helburu:

• Genero-oreka
• Aniztasuna eta zientzia inklusiboa
• Zientzia Irekia eta Ikerketa eta Berrikuntza arduratsua
• Europako Itun Berdea
• Minbiziaren aurkako Europako Plana
• Garapen Jasangarriko Helburuak (GJH)

Proiektu honek Europako Batzordearen laguntza ekonomikoa du, Marie Skłodowska-Curie (MSCA) ekintzen bidez. Ekimen honen helburua Europan karrera zientifikoak sustatzea da, eta Europar Batasuneko Ikerketa eta Berrikuntzarako “Horizonte Europa” esparru Programaren barruan kokatzen da.