Erronka handia izan da, baina iritsi da ekainaren 12an lehenengoz egingo den gradu eta graduondo amaierako ekitaldi bateratua. Ikasketak amaitzera doazen eta izena eman duten ikasleak arratsaldeko 16:00etarako deitu dituzte San Mames inguruan jarriko diren hiru photocalletan egun handia betikotzeko aukera izan dezaten euren senide, lagun eta ikaskideekin. 

Ondoren, zelaira sarrera plaza nagusiko lau ateetatik egingo dute, fakultateka banatuta. Sartu aurretik ezagutza arloko banda akademiko eta txapel bana jantziko dute, han bertan antolatuko diren mahaietan. 

Barruan ikusiko denari buruz, alderdi akademikoan dibulgazio zientifikoa Juan Ignacio Perez Iglesias Zientzia, Unibertsitate eta Berrikuntza sailburuaren eskutik; lehen EHUalumni sarien banaketa, ikasketak amaitzera doazen ikasleei omenaldia dekano eta zuzendariek gidatuta, errektorearen hitzartzea eta, zuzeneko musika eta bertsoak, Maialen Lujanbio, Amets Arzallus, Nogen, Sol Band Gaza eta Eñaut Elorrieta eta Janus Lesterren eskutik. 

Ondo etorria EHUabesbatzak emango die guztiei, denak zutik EHUren ereserki Ehunenekoak abestuz. 

Sarrerak salgai daude, hortaz, ez galdu aukera! 

Ekitaldia zuzenean jarraitu ahalko da ETBOn plataforman eta zuzeneko konexioak egingo dituzte Biba Zuek (ETB1) eta Quédate (ETB2) telebista saioek.