Deskribapena

Ostiralean, maiatzak 16, 18:00etan, UPV/EHUko Zientzia eta Teknologia Fakultateko Paraninfoan (Sarriena auzoa z/g, Leioa), 2015eko Biologia, Fisika, Geologia, Matematika eta Kimikako Olinpiadetako parte-hartzaileei aintzatespena egiteko ekitaldia ospatuko da.

Bertan, diplomak banatuko zaizkie irabazle zein parte-hartzaileei, eta baita ikastetxeetan haiek prestatzen jardun duten irakasleei ere. Euskadiko ikastetxe desberdinetako batxilergoko 190 ikasle inguruk hartu dute parte aurtengo olinpiada zientifikoetan.

Ekitaldian parte hartuko dute:

• Fernando Plazaola, UPV/EHUko ikerketa arloko errektoreordea
• Amaia Esquisabel, Eusko Jaurlaritzako Zientzia Politikaren zuzendaria
• Esther Domínguez, UPV/EHUko Zientzia eta Teknologia Fakultateko dekanoa
• María Victoria Albizu, Fisikarien Elkargoko kidea
• Pascual Román, Kimikako koordinatzailea

Ospakizunean, UPV/EHUko Kimika Organikoa Saileko katedradun Esther Letek hitzaldia eskainiko du "Cuando las moléculas se miran en el espejo" izenburupean. Ekitaldiaren bukaeran ohorezko aurreskua dantzatuko da.

Saritutako ikasleak:

BIOLOGIAKO OLINPIADA

Urrezko Domina: Nerea Díaz, Irlandesas ikastetxea. Irakaslea: Emma Zamalloa.
Zilarrezko Domina: Carmen Orcajo, P. Andrés de Urdaneta ikastetxea. Irakaslea: Alberto Bejarano.
Brontzezko Domina: Enrique Acha, Irlandesas ikastetxea. Irakaslea: Emma Zamalloa.

FISIKAKO OLINPIADA

Urrezko Domina: Eki Gonzalez, Julio Caro Baroja BHI (gainera maila nazionalean ere zilarrezko domina eskuratu zuen). Irakaslea: José María Cuesta.
Zilarrezko Domina: Nerea García, P. Andrés de Urdaneta ikastetxea. Irakaslea: Alize Marroquín Martínez.
Brontzezko Domina: Mikel García de Andoin, Colegio Vizcaya. Irakaslea: Irene Cantero.

MATEMATIKAKO OLINPIADA

Urrezko Domina: Martín Ortiz, Bilboko Escolapios ikastetxea (gainera maila nazionalean zilarrezko domina eskuratu zuen, hamargarren sailkatu baitzen). Matematikako tailerrak prestatua.
Zilarrezko Domina: Borja Hernando, P. Andrés de Urdaneta ikastetxea. Matematikako tailerrak prestatua.
Brontzezko Domina: Marta Aldasoro, Bilboko Botikazar BHI. Matematikako tailerrak prestatua.

GEOLOGIAKO OLINPIADA

Urrezko Domina: Txaber Altube, Fray Juan de Zumarraga (Durango). Irakaslea: Mertxe Antxia.
Zilarrezko Domina: Iker Apraiz, Fray Juan de Zumarraga (Durango). Irakaslea: Mertxe Antxia.
Brontzezko Domina: Pedro Ramírez, Gernika BHI. Irakaslea: Gotzone Imaz.

KIMIKAKO OLINPIADA

Urrezko Domina: June García, Askartza Claret ikastetxea. Irakaslea: Xabier Egaña.
Zilarrezko Domina: Pablo Gutierrez, Gaztelueta ikastetxea . Irakaslea: Imanol Goyarrola.
Brontzezko Domina: Eki González, Julio Caro Baroja BHI. Irakaslea: Arantza Iturriaga.