Deskribapena

Urriaren 15 eta 16a bitartean, UPV/EHUko Carlos Santamaría Zentroko areto nagusian, Donostian, Euskal Herriko unibertsitate-arteko lehen kongresu kooperatiboa burutuko da. Izenburua: ‘Eredu kooperatiboa egungo erronken aurrean'. Jarduera Euskal Herriko Unibertsitateak, Mondragon Unibertsitateak eta Deustuko Unibertsitateak antolatu dute.

Kongresuak hitzaldiak eta mahai-inguruak bilduko ditu. Honela, lehen egunean, hiru hitzaldi eta bi mahai inguru burutuko dira politikari, unibertsitateko ikerlari eta adituen eskutik arratsaldeko 19:00ak bitartean. Bigarren egunean, urriaren 16an, alegia, bi mahai inguru eta amaierako ekitaldia izango dira 9:30etik 14:00 bitartean. Kongresua era atsegin eta praktiko batean amaitzeko, Oñatin dagoen ULMA kooperatibara bisita egingo da.

Kongresuaren irekiera-ekitaldia urriaren 15ean, osteguna, 9:30ean, UPV/EHUko Carlos Santamaría Zentroko areto nagusian, Donostian, izango da.

Ekitaldian parte hartuko dute:

• Iñaki Goirizelaia, UPV/EHUko errektorea
• José Mª Guibert, Deustuko Unibertsitateko errektorea
• Vicente Atxa, Mondragon Unibertsitateko errektorea
• Cristina Uriarte, Eusko Jaurlaritzako Hezkuntza, Hizkuntza Politika eta Kultura sailburua
• Ángel Toña, Eusko Jaurlaritzako Enplegua eta Gizarte Politikak sailburua
• Aitor Bengoetxea, GEZKIko zuzendaria (UPV/EHU)