Deskribapena

Igandean, ekainaren 12an, 15:30etan, Azkoitiako Oteiza pilotalekuan, UPV/EHUko antzerki taldeak, Maite Agirreren zuzendaritzapean, eta Agerre Teatroarekin elkarlanean, 'Frontoia, begiz eta hotsez'. Lur eta haragia' antzezlana taularatuko du. Jarduera DSS2016ko Bideak atalaren 12. Etaparen barruan antolatu dute.

Antzezlana neska eta mutil gazteen istoriaz mintzo da. Pilotalekuan topo egiten dute. Pilotan jolasten dute, erronkak egiten dizkiote elkarri; ezagutu, haserretu ere egiten dira; jaiak ospatu eta etsipenak onartu… Abestu ere egiten dute, musika jo eta maitasunaz borrokatu.

Sarrera librea da.