Deskribapena

Abenduaren 14an eta 15ean, Universidad del País Vasco/Euskal Herriko Unibertsitatearen Letren Fakultateko gradu aretoan ‘Euskal arrantzaren arkeologia Bizkaiko golkoaren iparraldean' izeneko mintegia egingo da Paisaia Kulturalen eta Ondarearen UNESCO Katedrak antolatuta.

Euskaraz eta ingelesezko ponentziak izanen dituen mintegiaren osagarri, ‘Euskal baleazaleen triskantza' filma proiektatuko da, Ander Arrese, Beñat Iturriotz eta Eñaut Tolosak Islandiara egindako bidaia narratzen duen dokumentala, bertan 1615.ean desagertutako euskal baleazaleen arrastoen bila eta jazo zirenen berri jasotzera joan zirelarik.