Deskribapena

Ostegunean, Maiatzak 18, 9:00etan, UPV/EHUko Joxe Mari Korta Zentroan, Donostian, Arrisku eta Larrialdien kudeaketari buruzko Jardunaldien inagurazio ekitaldia egingo da.

Ekitaldian parte hartuko dute:

• Antonio Casado da Rocha, UPV/EHUko Gipuzkoako Campuseko Unibertsitate Hedakuntza zuzendaria
• Ernesto Gasco, Donostiako Garapen Ekonomiko, Merkataritza, Ostalaritza eta Turismo zinegotzia
• Fernando Larrañaga, jardunaldien koordinatzaile nagusia
• Josu García, jardunaldien zuzendari teknikoa

Arrisku eta Larrialdien kudeaketari buruzko Jardunaldiak bihar hasiko dira aurkezpen ekitaldi batekin, eta lau saio burutuko dira ondoren. Hamaikagarren urtez gauzatuko diren jardunaldietan honako gaiak jorratuko dituzte hizlariek: ekitaldien antolakuntzako erantzukizuna, arrisku naturalen aurreikuspena kosta gertu dagoen lekuetan, kostako nahiz mendiko orografia zailetan larrialdiak daudenean ematen den aire-erantzuna, eta azpiegitura kritikoen babesa.

Jardunaldiak streaming bidez zuzenean igorriko dira.

Ostiralean amaituko diren jardunaldiek larrialdien kudeaketan hainbat ikuspegi eta erakunde bilduko dituzte: UME, Ertzaintza, Udaltzaingoa, Eusko Jaurlaritzako Larrialdiak, Euskadiko eta Madrilgo osasun-langileak, Madrilgo Komunitateko Babes Zibila, industria eta unibertsitate sektoreak.