Deskribapena

Ostegunean, azaroak 9, 18.00etan hasita, Universidad del País Vasco/Euskal Herriko Unibertsitatearen Letren Fakultateko Areto Nagusian egingo da Hezkuntza eta Kirola Fakultateko Haur Hezkuntzako eta lehenengo Hezkuntzako graduetako 4. promozioko ikasleen graduazio ekitaldia.

Ekitaldian egongo dira Cristina Uriarte Toledo Eusko Jaurlaritzako Hezkuntza, Hizkuntza Politika eta Kultura kontseilaria, Iván Igartua Uriarte UPV/EHUren Arabako Campuseko errektoreordea eta Hilario Llanos Acebo fakultateko dekanoa. Modu berean, promozioko ikasleei diplomak banatu aurretik,  Elisabeth Zubizarreta Arruabarrena Gasteizko San Viator ikastetxeko haur hezkuntza eta lehenengo hezkuntzako koordinatzaileak hitzaldia emango du.