Loudovikos Dimitrios Liosisen doktorego tesiak, ‘Post-activation performance enhancement as a multi-purpose tool for developing power output in youth athletes, conserving functional ability of the aging population, and preventing anterior cruciate ligament injuries in team sport athletes’ izenekoak, British Journal of Sports Medicine (BJSM) argitalpen entzutetsuaren ‘PhD Academy Award’ saria jaso du. Sari horien helburua da "munduko doktoregairik onenak biltzea, kirol medikuntzarekin eta ariketa fisikoarekin lotutako haien ikerkuntza lanak BJSM komunitatearekin partekatzeko, eta graduondoko ikasleen ikerkuntzak kirol-medikuntzaren eta ariketa fisikoaren praktika klinikoan izan ditzakeen inpaktua eta ekarpena bultzatzeko”.

Tesiaren zuzendariak Jordan Santos eta Raúl Martínez de Santos Gorostiaga, Euskal Herriko Unibertsitateko Gorputz eta Kirol Hezkuntzako irakasleak, izan ziren.

Ikerketaren ardatza entrenamendu konplexua da, helburu anitzeko tresna gisa. Profesionalek eta entrenatzaileek banako bakoitzaren fisiologia (berdingabea) ezagutu behar dute beti, eta entrenamendu esfortzuak egokitu behar dituzte atleta bakoitzak indarrarekin eta egokitzapenarekin lotuta egiten dituen esku-hartzeen arabera egiten dituen erantzun ugarietara. Ikerketak ez du gomendatzen entrenamendu konbinatua erabiltzea errendimendua hobetzeko edo lesioak prebenitzeko estrategia bakar gisa. Hori beharrean, tresna osagarri gisa erabiltzea gomendatzen du.

Deree - The American College of Greece-n Enpresen Administrazioan lizentziatura (Marketin Komunikazioa) eta Estatu Batuetan eta Ingalaterran hainbat master lortu ondoren, EHUko Gorputz eta Kirol Hezkuntza Departamentuko Jarduera Fisikoan eta Kirolean doktoretza programa burutu zuen. Uneotan, Loudovikos Dimitrios Liosis doktorea ‘Deree – The American College of Greece’n ari da lanean.