Merkataritza Itsasketako Kapitainen Euskal Elkarteak (AVCCMM) eta Bilboko Ingeniaritza Eskolak Iker Abarka Azuara saritu dute, nautikaren arloko gradu amaierako lanik onenaren (GrAL) egilea, Aitor Marcos Tajada Enpresen Antolakuntza Saileko irakasleak zuzendutako “Lasta-sistemako oinarrizko prestakuntza praktikoa” lanagatik.

Sari horiek Portugaleteko Nautika Eskolako eraikinean banatu dira, eta ekitaldian izan dira Charles Pinto, Bilboko Ingeniaritza Eskolako zuzendaria, eta Patxi Odiaga, AVCCMMko lehendakaria.

Proiektu honen helburu nagusia lasta-sistemaren ezagutza orokorra garatzea da, zer eraginkortasunek, arauk eta mantentze-lanek eragiten dioten jakiteko. Helburua ez da sistemetako ekipoak modu isolatuan azaltzea, baizik eta laguntza bat konposatzea, eragiketa baten garapenean zehar horien arteko lotura, unea eta horiek noiz eta zertarako behar diren ulertzeko.

Halaber, sortzen dituzten arazoak, nola konpontzen diren eta ekipoetan egiten diren mantentze-lanak eta ikuskapenak ere sartzen dira proiektuan. Horren bidez, leku bat sortu nahi da, lasta-sistemak nola funtzionatzen duen ulertzeko beharrezkoa dena biltzeko, ontzi batean lehen aldiz ontziratzen diren ikasleentzat eta ofizialentzat baliagarria izan dadin.