Deskribapena

Maiatzaren 16an, ostiralean, 11:00an, UPV/EHUko Carlos Santamaría Zentroan, Donostian, Euskal Herriko Unibertsitateak mugikortasun programen bidez aurten UPV/EHUn ikasi duten ikasleentzako agur esateko ekitaldia ospatuko da. Guztira, 2024-2025 ikasturtean, 1.671 ikaslek gutxienez lauhileko bat egin dute UPV/EHUn: Erasmus (960), Sicue (229), Latinoamerika (425) eta Beste norakoak (57).

Ekitaldian izango dira Joxerramon Bengoetxea, Euskal Herriko Unibertsitateko errektorea; Gotzone Barandika Transferentzia eta Nazioartekotze errektoreordea; eta Noé Cornago Nazioartekotze zuzendaria.

Ekitaldian, hainbat ikaslek UPV/EHUn izandako nazioarteko esperientzia kontatuko dute eta Erasmus Student Network (ESN) ikasle elkarteak hitzaldia eskainiko du.

Ondoren, Ignacio Mª Barriola Zentroan janari-postua (taloak eta edaria), euskal dantza talde baten emanaldia eta tailerra izango dira.

PROGRAMA

11:10etan         UPV/EHUko Nazioartekotze zuzendariak Noé Cornagok, harrera egingo die Joxerramon Bengoetxea errektoreari eta Gotzone Barandika Transferentzia eta Nazioartekotze errektoreordeari, Carlos Santamaria Zentroko sarreran.    

11:15etan         Argazki ofiziala.           

11:20etan         Noé Cornago Nazioartekotze zuzendariaren ongi etorria.

11:30etan         Gotzone Barandika Transferentzia eta Nazioartekotze errektoreordearen agurra.

11:35etan         ‘Mugikortasun esperientziak’, UPV/EHUko mugikortasuneko ikasleen aurkezpenak.

12:10etan         Erasmus Student Network (ESN) ikasle elkartearen hitzaldia.

12:20etan         Oparien zozketa.

12:35ean         Ekitaldiaren amaiera Joxerramon Bengoetxearen, UPV/EHUko errektorearen eskutik. 

12:50etan         Ignacio Mª Barriola Zentroan: janari-postua (taloak eta edaria), Dantza talde baten emanaldia eta tailerra.

18:00etan         Bilbora eta Gasteizera autobusa.