FORTAk (Irrati  eta Telebista Erakunde Autonomikoen Federazioa) ETB2ko ‘El lector de huesos' saioari 2016ko Pello Sarasola Saria eman dio. Igor Zabalak eta Teresa Díaz de Basurtok zuzentzen eta K2000 ekoizten du saioa. Bertan Pako Etxeberria UPV/EHUko Medikuntza Fakultateko Lege eta Auzitegi Medikuntzako irakasle titularrak eta Dani Alvarez kazetariak gure gizarteko hilketa ezagunenak aztertzen dituzte. Honela, Pako Etxeberriak auzitegi teknika guztiak erakusten dizkio Dani Alvarezi, hezurrek ematen duten informaziotik abiatuta. Breton auzia, Lasa eta Zabalaren kasua, guda zibilaren hobitik ateratze ugariak, Amaia Azkueren kasua eta Asunta Basterrarena, hurrenez hurren. Pello Sarasola Saria telebista kate autonomikoetako saio onenari ematen zaio.