Gipuzkoako Peritu eta Ingeniari Tekniko Industrialen Elkargoak Felix Sopelana Oroimenezkoa antolatzen du urtero Gradu Amaierako Lan eta Ikerketa Teknikoak saritzeko.

Sari hau irabazi du aurten ‘Diseño óptimo de un sistema de cogeneración conectado a red' izeneko Gradu Amaierako Lanak, zeina Euskal Herriko Unibertsitateko Gipuzkoako Ingeniaritza Eskolako (Eibarko Atala) Xian Carballo García de Vicuña ikasleak aurkeztua. Francisco Javier Asensio De Miguel eta José Ignacio San Martín Díaz aipatutako ikastegiko irakasleak zuzendu dute proiektua. Hau sarean konektaturiko protoi trukeko mintza erregai-pila (PEMFC) batean oinarrituriko bero eta elektrizitate sorkuntza konbinatuko sistema (CHP)  baten diseinu optimoan oinarritzen da, zeinen helburua ikastegian kokatuta dagoen Hezkuntza-Konplexuaren energia-eskaria asetzea baita.

Halaber, Jon Frias Iturriak, Gipuzkoako Ingeniaritza Eskolako (Donostia Atala) ikasleak, ‘Balazta-Pastilletako Euskarri Metalikoetako Zikinkeria Garbitzeko Metodoaren Garapena eta Azterketa'  izeneko Gradu Amaierako Lanarekin Azterlan Tekniko hoberenen atalean bigarren saria irabazi du. Lana Xabier Garicano Osinaga ikastegiko irakasleak zuzendu zuen.

Argazkia: Gipuzkoako Peritu eta Ingeniari Tekniko Industrialen Elkargoa