Deskribapena

Prentsa-agerraldiaren xedea da Unibversidad del País Vasco/Euskal Herriko Unibertsitateak (UPV/EHU), Jakinek eta AEK-KORRIKAk Txillardegi omentzeko prestatu duten ekimen-multzoa aurkeztea (omenaldi-ekitaldia, liburu-bilduma, ikus-entzunezkoa).

Agerraldian parte hartuko dute:

• Jon Zarate, UPV/EHUko Euskararen eta Etengabeko Prestakuntzaren arloko errektoreordea
• Lorea Agirre, Jakin aldizkariko zuzendaria
• Asier Amondo, KORRIKA arduraduna
• Miren Rubio, 'Txillardegi. Batasunaren pentsalaria' biografiaren egilea
• Kote Camacho, 'Txillardegiren Klika' ikus-entzunezkoaren zuzendaria eta gidoilaria

Liburu-aurkezpenaz gain, Txillardegiren dokumentala ikusteko aukera izango da (otsailaren 9an AEK-KORRIKAk Txillardegiri egingo dion omenaldi-ekitaldian estreinatuko da).