Jesús Mª Valdalisok Bancos y banqueros. Dos siglos de crédito privado en España y sus protagonistas, Gabriel Tortella eta Gloria Quirogak zuzendutako (Comares, Granada 2023) liburuan parte hartu du. Bi atal idatzi ditu bertan. Bata, Banco de Bilbaoren eta bere zuzendari izan zen Julio de Arteche y Villabasoren (1878-1960) ingurukoa. Bestea, Banco de Vizcaya eta bere zuzendari izan zen Pedro de Careaga Basaberen (1896-1986) ingurukoa. Liburuak XX. mendeko Espainiako banku nagusien historia azaltzen du (Bilbao eta Vizcayaz gain, Urquijo, Santander, Central, Hispanoamericano, Banesto, Popular, Pastor, Herrero, March, Cataluña, Comercial Trasatlántico eta La Caixa), bakoitzaren zuzendaririk adierazgarrienetako baten biografiaren bitartez.