IRAKASGAI HONETAN LANTZEN DIREN GAITASUNAK OINARRIZKO MODULOARI DAGOZKIONAK.



1.(MO2CM03) Laborategian sintesi sinpleak antolatzeko eta burutzeko gaitasuna eta konposatu kimikoak karakterizatzeko gaitasuna, teknika egokiak erabiliz eta ziurtasun arauak jarraituz. Kimika arlo guztietako behaketa esperimentalak aztertzeko gaitasuna.



2. (MO2CM010) Kimikako esparruan eta beste arlo zientifikoetan informazioa topatzeko eta aukeratzeko trebetasuna, bibliografia eta informazioaren eta komunikazioaren teknologiak erabiliz.



3. (MO2CM09) Kimika eta beste materia afinekin erlazionatuta dauden prozesuak eta fenomenoak azaltzeko gaitasuna. Ahozko eta idatzizko azalpen ulergarriak egiteko gaitasuna.

1. Erredukzioak. Kimioselektibitatea.

2. Eliminazioak: Alkoholen deshidratazioak.

3. Ordezkapen elektroizale aromatikoa (SEAr): eraztun aromatikoaren nitrazioa.

4. Karboniloaren gaineko adizio-eliminazio erreakzioak: Fischer esterifikazioa.

5. Ordezkapen erreakzioak SN2: alkil bromuroen prestaketa ioduroetatik abiatuta.

6. Alkenoen gaineko adizio elektroizaleak (AE): alkenoen bromazioa.

7. Kondentsazio Aldolikoa.

8. Funtzio-taldeen babespena. Karboniloaren babespena azetal moduan.

9. Karboniloaren gaineko konposatu organometalikoen adizioak: Grignard erreaktiboak.

Laborategiko praktikak (GL) laborategiko saioak dira saiakuntzak egiteko eta emaitzak lortzeko ziurtasun-arauak betez. Laborategi-gidoia emango zaio ikasleari, eta oso garrantzitsua izango da aurrez aurretik praktika prestatzea, hala nola praktikaren helburua ulertzea, erreaktibo batzuen manipulazioa arriskutsua dela ulertzea edo ziurtasun arauak ondo betetzea. Bestalde, laborategiko koadernoa ondo lantzea eta irakasleari ematen zaizkion txostenetan prozedura esperimentalak ondo idaztea azpimarratuko dira.

Bai Mintegietan bai Gelako Praktiketan laborategian burutzen den lanarekin erlazionatuta dauden gaiak ikasiko dira, lortutako emaitzak aztertuko dira edota balizko prozedura esperimentalak landuko dira.

Azken nota ondoko frogen emaitza izango da:



1.Laborategiko lana: nota jartzerako orduan kontuan hartuko da ikaslearen jarrera, nola egiten duen laborategiko lana, nola erabiltzen dituen teknika esperimentalak, nola idazten duen laborategiko koadernoa, ordena, garbitasuna eta abar. Azkeneko notaren ehunekoa: %35. Ikasleak praktika guztiak egin beharko ditu atal honetan ebaluatuta izateko. Gutxieneko nota: 5



2. Bakarkako lana: Praktikak burutzen diren heinean irakasleari txostenak entregatu behar zaizkio eta behin irakasleak zuzenduta, bere irizpideak jarraituz, ikasleari itzulitako zaizkio. Nota jartzeko kontuan hartuko dira, aurkezpena, burututako praktikaren ulermena, prozedura esperimentalen idazkera, emaitzak eta planteaturiko galdereen erantzunak eta abar. Txostena eta galdetegi guztiak entregatzea derrigorrezkoa izango da. Epez kanpoko entregak ez dira kalifikatuko. Azkeneko notaren ehunekoa: %25. Gutxieneko nota: 5



3. Azterketa praktikoa: Kurtsoan zehar laborategian burututako praktika batekin erlazionatutako azterketa egin behar da. Ahal bada, banaka egingo da. Ikasleak laborategiko saioetan hark berak idatzitako eta irakasleak sinatutako laborategiko koadernoa erakutsi beharko du. Koaderno hori laborategiko azterketan erabili ahalko den material bakarra izango da. Azkeneko notaren ehunekoa: %20. Gutxieneko nota: 5



4. Azterketa teoriko-praktikoa: idatzizko froga izango da praktiketan erabilitako kontzeptuak edota gelako praktiketan eta mintegietan ikasitako balizko egoera esperimentalak aztertuko dira. Azkeneko notaren ehunekoa: %20. Gutxieneko nota: 5



Ebaluatuta izateari uko egin nahi dion ikasleak (ez aurkeztua) bigarren lauhilekoa hasi baino lehen irakasleari idatziz jakinarazi beharko dio.



Graduko Titulazio Ofizialetako Ikasleen Ebaluaziorako Arautegiaren arabera ikasleak etengabeko ebaluazioari uko egiteko idatzi bat aurkeztu beharko dio irakasgaiaren ardura duen irakasleari 18. astea baino lehen ikasturtea hasten denetik kontatzen hasita. Edozein kasutan, azken ebaluazioan praktiketako programa osoa burutzea ezinbestekoa da.

Segurtasun-betaurrekoak, mantala, espatula, laborategiko koadernoa eta ziurtasun arauak.

Oinarrizko bibliografia

1. M. J. Rodríguez, F. Gómez, CURSO EXPERIMENTAL EN QUÍMICA ORGÁNICA, Síntesis, 2008.

2. M. A. Martínez, A. Csákÿ, TÉCNICAS EXPERIMENTALES EN SÍNTESIS ORGÁNICA, Síntesis, 2005.

3. J. W. Zubrick, THE ORGANIC CHEM LAB SURVIVAL MANUAL. A STUDENT'S GUIDE TO TECHNIQUES, 8th Edition, John Wiley and Sons, 2010.

4. R. H. Hill, D. C. Finster LABORATORY SAFETY FOR CHEMISTRY STUDENTS, John Wiley and Sons, 2010

5. P. B. Cranwell, L. M. Harwood, C. J. Moody, EXPERIMENTAL ORGANIC CHEMISTRY, 3rd edition, John Wiley & Sons: Chichester, 2017.

6. J. Isac-García, J. A. Dobado, F. G. Calvo-Flores, H. Martínez García, EXPERIMENTAL ORGANIC CHEMISTRY. LABORATORY MANUAL, Academic Press: Londres, 2016.

Gehiago sakontzeko bibliografia

1.D. L. Pavia; G. M. Lampman; G. S. Kriz; R. G. Engell, INTRODUCTION TO ORGANIC LABORATORY TECHNIQUES.
A MICROSCALE APPROACH, 3ª Ed., Saunders College Publishing, Fort Worth, 1999.
2.D. W. Mayo; R. M. Pike,; P. K. Trumper, MICROSCALE ORGANIC LABORATORY, 3ª Ed., John Wiley and Sons, New York, 1994.
3. Comprehensive Organic Chemistry Experiments for the Laboratory Classroom, C. A. M. Alfonso, N. R. Candeias, D. Pererira Simao, A. F. Trincade, J. A. S. Coleho, B. Tan, R. Franzén, Editores; Royal Society of Chemistry, Londres, 2017.

Aldizkariak

Organic Syntheses: http://www.orgsyn.org/
The Journal of Organic Chemistry: http://pubs.acs.org/journal/joceah
Organic Letters: http://pubs.acs.org/journal/orlef7
European Journal of Organic Chemistry: http://www3.interscience.wiley.com/journal/27380/home
Organic and Biomolecular Chemistry: http://www.rsc.org/Publishing/Journals/Ob/Index.asp
Journal of Chemical Education:http://jchemed.chem.wisc.edu/