nireEHU Onartua izateko irizpideak
Sarrera-profila
Teknika eta metodo historiografikoei dagokionean: joera historiografikoei, ikerkuntza metodoei eta lehenengo eta bigarren mailako iturburuei buruzko jakintza.
Ikaskuntzari dagokionean: gai historikoei buruzko informazioa eskuratu, iturburu eta baliabide digitalak erabili, informazioa kritikoki aztertu, ahozko aurkezpenak egin eta saiakerak idazteko trebeziak.
Ikerkuntza historikoari dagokionean: egoera historien analisiak egin; ikerkuntzarako gai esanguratsuak definitu; aztergaiaren egoera egin eta gertakarien testuinguru historikoa osatu eta analisi historikoaren helburua zehazteko trebetasuna.
Hizkuntza jakiteari dagokionean: Gaztelaniaren B2 mailako jakite maila, Hizkuntzen Europako Erreferentzia Marko Bateratuaren arabera (ingelesaren B2 maila ere balioetsiko da).
Ez dago.
1. Espediente akademikoa (% 40).2. Curriculum vitae (% 40). Bereziki balioetsiko da: Doktorego programarekin erlazionatutako titulazioak; atzerrian, unibertsitateetan edo aitorpen ofizialeko ikerguneetan egindako egonaldi akademikoak; gradu eta master mailako laguntza edo beka lehiakorrak lortuta izatea.3. B2 ingelesaren edo programaren testuinguru zientifikoan garrantzia luketen beste hizkuntzen jakite maila (% 10).4. Elkarrizketa pertsonala. Arrazoi justifikatuak direla medio, ezin izango balitz egin, motibazioari buruzko gutun bat eska liteke (% 10).
Gaztelania
Valentziera
Euskara
Ingelesa
Galiziera
Doktorego tesien tutore edo zuzendari izango diren irakasleak esleitzeko prozedura
Doktorego programan onartua izateko prozedura ebatzi ondoren, Batzorde Akademikoak tutore bat esleituko dio doktoregai bakoitzari, doktorego programan parte hartzen duten UPV/EHUko irakasleen artetik, eta berak zaindu beharko du doktoregaiaren eta Batzorde Akademikoaren arteko interakzioa. Horrez gain, tutorea prestakuntza eta ikerlana doktorego programaren eta Doktorego Eskolaren printzipioetara egokitzeko arduraduna ere izango da.
Matrikula egin ondorengo hiru hilabeteen barruan, Batzorde Akademikoak doktorego tesirako zuzendari bat esleituko dio, programako edozein irakasle izan ahalko dena, eta tutorea bera izan liteke edo ez. Zuzendari hori honakoetan izango da arduraduna: doktoregaiaren prestakuntza eta ikerketa lanak zuzentzen, jarduera horien koherentzian eta egokitasunean, tesiaren gaiaren arloan izango duen inpaktuan eta berritasunean, plangintza eramaten, eta, behar izanez gero, doktoregaiak izena ematen duen beste proiektu eta jardueretara egokitzen.
Zuzendaria UPV/EHUkoa ez bada, tutoreak egingo du unibertsitatearekiko lotura lana.
Tesia zuzendarikidetzan ere egin ahal izango da beste zuzendarikide batekin eta zuzendarikide hori doktorego programakoa izatea ez da nahitaezkoa izango. Horrez gain, tutorearen edo zuzendariaren izendapena aldatu ahal izango da doktoregoa amaitu aurreko edozein momentutan.
Informazio gehiago behar izanez gero, kontsultatu izapideak eta arautegia.