nireEHU Onartua izateko irizpideak
Sarrera-profila
Sartzeko gomendatzen den profila da Zuzenbidean graduduna edo lizentziatua izatea eta doktoregoan sartzeko indarrean dagoen araudian eskatutako baldintzak betetzea.
Sartzeko beste profil bat da giza eskubideei, Europar Batasunari, giza eskubideen historiari edo Europar Batasuneko politiken garapenaren historiari lotuta dauden politikekin zerikusi estua duten lanak garatzea plantea dezaketen beste arlo batzuetako ikaslea izatea; arlo horiek dira politologia, komunikazioa, kazetaritza, historia edo beste era bateko karrerak, bai eta hertsiki zientifikoak direnak ere.
Gaitasunei, aldez aurreko ezagutzei eta erabiliko diren hizkuntzei eta horietako bakoitzean eskatutako mailari dagokienez, aparteko garrantzia dute adierazpen idatziak, komunikatzeko gaitasunak eta analisirakoak.
Era berean, gomendatzen da ingelesaren eta frantsesaren ezagutza pasiboa izatea, eta, bereziki, ingelesez komunikatzeko oinarrizko gaitasuna izatea (B1-2), nahiz eta hizkuntzak jakitea ez den onartzeko baldintza espezifikoa.
Zuzenbideko gradu eta master ikasketak ez dituzten ikasleen kasuan, prestakuntza osagarria izango da Zuzenbidearen Teoria Orokorreko oinarrizko ikastaro bat egitea.
Hauek dira balorazio irizpideak:- Espediente akademikoa: % 70 (espedienteetako bakoitza atal honen balorazio globalaren erdia izango da, hau da, graduarena % 35 eta masterrarena beste % 35)- Esperientzia profesionala programaren gai esparruan: % 15- Elkarrizketa: % 15Elkarrizketa pertsonalari dagokionez, kontuan izango dira hautagaiak komunikatzeko duen gaitasuna (% 2), Doktorego Programa egitera bultzatzen duten arrazoiak (% 4) eta talde lanerako jarrera (% 4). Hizkuntza berriak ikasteko eta atzerriko hizkuntza batean lan egiteko eta atzerrian egonaldiak egiteko prestasuna: % 5.
Gaztelania
Euskara
Ingelesa
Frantsesa
Doktorego tesien tutore edo zuzendari izango diren irakasleak esleitzeko prozedura
Doktorego programan onartua izateko prozedura ebatzi ondoren, Batzorde Akademikoak tutore bat esleituko dio doktoregai bakoitzari, doktorego programan parte hartzen duten UPV/EHUko irakasleen artetik, eta berak zaindu beharko du doktoregaiaren eta Batzorde Akademikoaren arteko interakzioa. Horrez gain, tutorea prestakuntza eta ikerlana doktorego programaren eta Doktorego Eskolaren printzipioetara egokitzeko arduraduna ere izango da.
Matrikula egin ondorengo hiru hilabeteen barruan, Batzorde Akademikoak doktorego tesirako zuzendari bat esleituko dio, programako edozein irakasle izan ahalko dena, eta tutorea bera izan liteke edo ez. Zuzendari hori honakoetan izango da arduraduna: doktoregaiaren prestakuntza eta ikerketa lanak zuzentzen, jarduera horien koherentzian eta egokitasunean, tesiaren gaiaren arloan izango duen inpaktuan eta berritasunean, plangintza eramaten, eta, behar izanez gero, doktoregaiak izena ematen duen beste proiektu eta jardueretara egokitzen.
Zuzendaria UPV/EHUkoa ez bada, tutoreak egingo du unibertsitatearekiko lotura lana.
Tesia zuzendarikidetzan ere egin ahal izango da beste zuzendarikide batekin eta zuzendarikide hori doktorego programakoa izatea ez da nahitaezkoa izango. Horrez gain, tutorearen edo zuzendariaren izendapena aldatu ahal izango da doktoregoa amaitu aurreko edozein momentutan.
Informazio gehiago behar izanez gero, kontsultatu izapideak eta arautegia.