- Jariakinen propietateak ezagutu: Estatika, zinematika eta jariakinen dinamika.

- Likidoen estatikan batez ere hauek egitura solidoen kontra egiten dituzten presio indarrak kalkulatzen jakin.

- Analisi dimentsionala eta antzekotasuna ulertu eta aplikatu sistema ezberdinetan heuristikoki.

- Hodien kalkulua eta kanalena burutzeko ezagutza eta aldagai garrantzitsuen kalkulua gauzatzeko ahala.



Irakasgai honekin batera landuko diren zeharkako gaitasunak hauek izango dira: G012 - Metodologia zientifikoaren estrategiak aplikatzea: egoera problematikoa kualitatiboki eta kuantitatiboki aztertzea, hipotesiak eta irtenbideak proposatzea Energia Berriztagarrien ingeniaritza ereduak erabiliz. IKASKUNTZA-EMAITZAK: Erabaki eraginkorrak hartu testuinguru ezberdinetan; Etorkizun iraunkorra lortzea; Sortzen ari diren estrategiak edo/eta proiektuak proposatzea; Galdeketa, azterketa, interpretazioa, sintesia, ebaluazioa eta epai arrazoituak ematea bezalako ekintza mentalak.



Eskuratutako gaitasun orokorrei dagokionez, hauek aipatu behar dira ikasgai honetan:

1- Energia berriztagarrietako ingeniariaren lanbidean jarduteko gaitasun zientifiko eta teknikoak eta aholkularitza, auditoria, azterketa, kalkulu, proiektu, eraikuntza, mantentze eta instalazioen ustiapenari lotutako funtzioei buruzko jakintzak eskuratzea.

2-Ingeniaritzako metodo eta teoria berriak eta tresna modernoak ikastea ahalbidetuko duten jakintzak eskuratzea oinarrizko arloetan eta arlo espezifikoetan, eta egresatu guztiak egoera berrietara egokitzeko aldakortasun nahikoa ematea.

3- Metodologia zientifikoaren berezko estrategiak aplikatzea: egoera problematikoa kualitatiboki eta kuantitatiboki analizatzea, hipotesi eta soluzioak proposatzea energia berriztagarrietako ingeniaritzako eredu propioak erabilita.

4- Arazoak ekimenez, erabakiak hartuta, sormena erabilita, arrazoiketa kritikoaz konpontzea eta energia berriztagarrien eremuan ezaguerak, trebetasunak eta abileziak komunikatzeko eta transmititzea.

5- Energia berriztagarrien eremuan, xede gisa aurreko epigrafean deskribatutako funtzioak dituzten proiektuak idazten, garatzen eta zuzentzen jakitea.

6- Taldean eraginkortasunez lan egitea, eta energia berriztagarrietako ingeniaritzaren eremuan erabakiak hartzeko gaitasunak eta jakintzak integratzea.

1-Sarrera Jariakinen Mekanikara. Aurretiko kontzeptuak.

2-Jariakinen propietate fisikoak. Definizioak.

3-Jariakinen Estatikaren lege orokorrak. Funtsezko ekuazioa.

4-Jariakin konprimaezinaren estatika eremu grabitatorioan. Hidrostatika.

5-Jariakinen estatika beste indar eremuetan. Errotazioa eta translazioa.

6-Jariakin konprimagarrien estatika eremu grabitatorioan.

7-Gainazalen gaineko indarrak. Indarren modulua eta aplikazio zentroa gainazal lau eta kurboen kontra.

8-Gorputz itxien gaineko indarrak jariakinean murgilduta.

9-Jariakinen higiduraren funtsak.

10-Masaren kontserbazioaren teorema. Jarraitasunaren ekuazioa.

11-Jariakinen dinamikaren funtsezko ekuazioak. Euler eta Navier-Stokesen ekuazioak.

12-Bernoulliren ekuazioa. Energiaren ekuazioaren forma ezberdinak eta bonba eta turbinen errendimendua.

13-Bernoulliren ekuazioaren aplikazioak. Neurketa aparatuak. Abidura eta emaria lortzeko ekuazioaren aplikazioa.

14-Higidura kantitatearen teorema eta higidura kantitatearen momentua.

15-Higidura kantitatearen teoremaren aplikazioak. Betz Teorema. Alabeen teoria orokorra. Pelton turbinaren adibidea.

16-Analisi dimentsionala eta Ereduen Teoria. Buckighmanen Teorema eta honen aplikazioak.

17-Biskositatearen efektuak jariakinetan. Kanpo fluxuak, mugalde geruza, erresistentzia eta esekidura koefizietea. Pala eolikoen aerodinamika oinarrizkoa.

18-Karga galerak hodietan. Ekuazioa eta diagrama funtsezkoenak galera primario eta sekundarioetan.

19-Hodi sistemak. Fluxu iraunkorra hodietan. Hodien kalkulu praktikoa. Hodi sareak. Sistemak seriean, paraleloan, eta adarkatuak.

20-Fluxu iraunkorra kanaletan. Erradio Hidraulikoa. Manning formula. Jauzi Hidraulikoa.

Taldeak egingo dira laborategik praktiketarako eta asteroko problementzat, zeinak taldeetako batek zoriz aukeratuta defendatu beharko dituen arbelena ahoz.

Laborategiko praktika batzuk ikasleen ekintzarik gabe burutuko dira denboragatik, esposizio eran. Lortutako kontzeptuak laborategiko praktiken lan bezala ere hartuko dira aintzat.

Azken astean izango da taldeko laborategiko praktiken esamina.

Ikaslea ezingo da azken probara aurkeztu ez baldin bada taldeko proba jarraituetako batera aurkeztu, edo ez badu parte hartzen ahozko defentsa eta taldeko praktiketan. Eta azterketa finalari edozein kasutan egin ahalko dio uko.



Graduko eta lehenengo eta bigarren zikloko Ikasketen gestiorako araudia, 2016/17, 43. artikuluaren

arabera, ikasleari, justifikatutako arrazoiengatik ezin bazaio egin ebaluazio mistoa (edo hala badagokio, etengabeko ebaluazioa), bukaerako proba bakarra egingo zaio, non irakasgaiko alderdi praktikoa ere ebaluatuko den. Horretarako, eskaria irakasgaiko irakasleari egin beharko dio idatzi arrazoitu baten bidez eta irakasgaiaren ebaluazio data baino hilabete bat lehenago gutxienez. Kasu honetan, ikaslea azkeneko azterketa bakarrarekin ebaluatua izango da, alderdi praktikoa ere izango duena. Proba horrek, irakasgaiko notaren %100 balioko du.



Araudi horretako 39. artikuluaren arabera, horrez gain, ikasleek aukera izango dute deialdiari uko egiteko. Horretarako, eskaria irakasgaiko irakasleari egin beharko diote idatzi bidez eta irakasgaiaren irakaskuntza epe data amaitu baino hilabete bat lehenago gutxienez, irakasgaiaren ikasketen gidaliburuan hala agertuko dena.



Ikaslea ez bada idatzizko probara aurkezten, edozein deialditan, deialdiari uko egin diola ulertuko da eta «Aurkezteke» jarriko zaio.

Apunteak. Problema zerrenda.
Tablak eta diagramak.
Laborategi praktikei buruzko argipenak.

Oinarrizko bibliografia

- Agüera Soriano, José. Mecánica de Fluidos Incompresibles y Turbomáquinas Hidráulicas. Edit. Ciencias. 1992.

- Kundu, P.K. Y Cohen, I.M. Fluid Mechanics 6th Edition. Academic Press - 2015.

- Shames, Irving H. Mecánica de Fluidos. Mc Graw-Hill. 1995.

Gehiago sakontzeko bibliografia

- Potter, Merle C., Wiggert, David C. Mecánica de Fluidos. Thomson. 2002.
- Homsy G.M. et al. MULTIMEDIA FLUID MECHANICS. Cambridge University Press. 2008
- White, Frank M. Mecánica de Fluidos. Ed. McGraw-Hill. 2008.
- Cengel, Yunus A. y Cimbala, John M. Mecánica de Fluidos. Fundamentos y Aplicaciones. Ed. Mc Graw-Hill. 2006

Aldizkariak

- Journal of Fluid Mechanics
- Journal of Hydraulic Engineering
- Environmental Fluid Mechanics
- Fluid Dynamics Research
- Physics of Fluids
- Geophysical and Astrophysical Fluid Mechanics
- Ocean Engineering
- Wind Energy
- Energy
- Applied Energy