Programa espezifikoa: Baterako Programazio Ekimena (JPI) "Itsaso eta ozeano osasungarri eta produktiboak" (JPI-OCEANS)
UPV/EHU: Bazkide elkartua
UPV/EHU IP: Amaia Orbea
Proiektuaren hasiera: 2016/01/01
Proiektuaren amaiera: 2018/12/31

Deskribapen laburra: PLASTOX proiektuak mikroplastikoen irenstea, elikadura-sarearen bidezko transferentzia eta inpaktu ekotoxikologikoa ikertuko ditu, kutsatzaile organiko iraunkorrekin (COP), metalekin eta horiei lotutako gehigarri kimiko plastikoekin batera, Europako itsas espezie eta ekosistema nagusietan. Proiektuak landa-behaketak, laborategiko probak, mesokosmosa eta manipulazio-esparruko esperimentuak konbinatuko ditu mikroplastikoen eragin ekologikoak aztertzeko. Itsas ingurunean sartzen diren plastikozko gai handiak pixkanaka degradatzen (deskonposatzen) dira tamaina mikrometrikoko partikulatan, eguzki-argia eta ekintza fisikoa konbinatuz. Partikula horiek itsas ingurunean dagoen edozein kutsatzaile organiko edo metaliko adsorbatu dezakete beren gainazalean. Partikula eta kutsatzaile adsorbatuak itsas organismoek zuzenean irentsi edo kontsumi ditzakete, edo organismo batetik bestera harraparitzaren bidez transferitu. Horren ondorioz, partikulak elikadura-katean gora igotzen dira organismo sinpleetatik organismo handi eta konplexuagoetara.