Programazio Modularra eta Objektu Orientazio irakasgaia (PMOO) Oinarrizko Programazioarekin hasitako programazio-irakasgaien lerroan kokatzen da. Programa "handi samarrak", hots, ez tribialak, egiteko orduan jarraitu beharreko metodologiak irakasten dira bertan, objektuetan oinarritutako eta objektuei zuzendutako metodologien bidetik, hain zuzen. Irakasgaian azaltzen eta praktikan ematen diren kontzeptuen artean daude modulartasuna, kapsulaketa, softwarearen berrerabilera (programazio generikoa), salbuespenen tratamendua eta objektuei orientatutako paradigmako kontzeptu aurreratuak (herentzia, polimorfismoa). Programazio-lengoaiei dagokienez, irakasgaian jorratzen diren kontzeptuak azaltzeko, ulertzeko eta gauzatzeko egokienak direnak erabiliko dira.

Irakasgai honek oinarrizko izaera duenez, ikasitakoa beharrezkoa izango da graduko irakasgai askotan. Irakasgai hau arrakastaz gainditzeko beharrezkoa da oinarrizko programazioan maila egokia izatea. PMOOn ematen diren ezagutzak hurrengo ikasturteetan osatuko dira, programazio adarreko gainerako irakasgaietan.

Objektuei orientatutako programazioaren oinarri nagusiak ulertu eta ezagutzea, hala nola:

- Klaseak eta Objektuak.

- Modulartasuna, kapsulaketa, informazioaren ezkutatzea (pribatutasuna).

- Generikotasuna eta datu-egitura generikoak.

- Objektuei orientatutako programazioko kontzeptu aurreratuak: herentzia, polimorfismoa eta lotura dinamikoa (dispatching-a), klase eta eragiketa abstraktuak, interfazeak.

- Salbuespenen tratamendua.

-Diseinuko patroiak: Singleton eta Iterator patroiak.



Ikastaroaren amaieran, ikaslea gai izango da programak egiteko, ikasitako printzipio eta metodologiak aplikatuz.

1. Java programazio-lengoaia: sarrera, oinarriak.

2. Sarrera: Softwarearen ingeniaritza.

3. Modulartasuna. Softwarearen berrerabilpena. Datu-egitura generikoak.

3. Objektuei orientatutako programazio aurreratuta.

5. Erroreen tratamendua. Salbuespenen tratamendua.

6. Diseinu patroiak: Singleton patroia.

Irakasgai honetan aurrez aurreko zein bertaratu gabeko lan-orduak aurreikusten dira. Aurrez aurreko hiru jarduera mota aurreikusten dira: eskola magistralak, ariketa-eskolak eta laborategi-saioak. Bistan dago ikaslearen parte-hartzeak azken bi jarduera-motetan garrantzi handiagoa duela helburu diren gaitasunak eskuratze aldera, baina, hala ere, eskola magistraletan ere ikasleak parte har dezan bultzatuko da, dela galderen bidez, eztabaidetan esku hartuz eta abar. Irakasgaian, beraz, metodologia aktiboak erabiliko dira. Ariketa-eskolak nahiz laborategiak aurrez aurreko saioetan gauzatuko dira batez ere, baina bertaratu gabeko lanaz osatuko dira. Bertaratu gabeko orduak prestakuntza-lana egiteko eta klasean egindakoa osatzeko erabiliko dira. Zenbaitetan, ikasleak ariketak eta praktika txikiak egin beharko ditu, eta horietako batzuk ebaluatu egingo dira azken notari begira. Tutoretza-orduak ere izango dira, ikasleari laguntza pertsonalizatua eskaintzearren.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Ehunekoak eta ebaluazio motak hurrengo ataletan zehazten dira (%): 100

Irakasgaia bi modutan ebaluatu daiteke: AZKEN ebaluazioa edo ebaluazio JARRAITUA. Ohiko deialdiko bi ebaluazio moduetako jarduera bakoitza Zati PRAKTIKO (ZP) edo Zati TEORIKO (ZT) baten barnean egingo da.



Ebaluazio jarraitutik azken ebaluaziorako urratsa egingo da, bai ikasleen borondatez (irakasleari jarritako epeen barruan jakinaraziz), bai ebaluazio jarraituan eskatutako gutxieneko baldintzak ez badira betetzen.



Irakasgaia gainditzeko, ezinbestekoa da gutxienez 4 puntu lortzea (10etik), Zati TEORIKOAn. Jakina, irakasgaia gainditzeko beharrezkoa da 10 puntutik 5 lortzea gutxienez Zati TEORIKO eta PRAKTIKOAREN batezbesteko nota ponderatuan.



** Ebaluazio JARRAITUA**

Ikasle guztiak ebaluazio jarraituan ebaluatuak izango dira besterik adierazi ezean. Bertan mantentzeko, irakasgaiko etengabeko jarraipena egin beharko da dedikazioa, bertaratze (% 80tik gorako asistentzia gomendatzen da) eta irakasleak proposatutako jarduera guztiak egitea.



Ebaluazio jarraituan ondorengo pisuak hartu beharko dira kontuan:

- Zati TEORIKOA (ZT): hiru azterketa partzial lortutako ezagutza eta trebetasunak ebaluatzeko, % 70eko pisu totalarekin.

- Zati PRAKTIKOA (ZP): ikasturtean zehar egindako banakako lanak % 30eko pisu totalarekin.

- NOTA FINALA (NF) irizpide hau aplikatuta lortzen da: baldin (ZT >= 4) orduan NF = ZT * 0,70 + ZP * 0,30. Gainditua kontsideratuko da, noski, NF >= 5 bada. Beste edozein kasutan, NF = GUTXIEGI.



Irakasleek informazio osagarria eska dezakete, jardueren garapen egokia egiaztatzeko.



** AZKEN ebaluazioa **

Zati PRAKTIKO (ZP) eta Zati TEORIKO (ZT) batez osatuta dago. Azken ebaluazioan aukeran kontuan hartu beharreko pisuak honako hauek dira:

- Zati TEORIKOA (ZT) % 80ko pisuarekin.

- Zati PRAKTIKOA (ZP): ikasturtean zehar egindako banakako lanak % 20ko pisuarekin.

- NOTA FINALA (NF) irizpide hau aplikatuta lortzen da: baldin (ZT >= 4) orduan NF = ZT * 0,80 + ZP * 0,20. Gainditua kontsideratuko da, noski, NF >= 5 bada. Beste edozein kasutan, NF = GUTXIEGI.

Irakasleek informazio osagarria eska dezakete, jardueren garapen egokia egiaztatzeko.



UKO EGITEA

-Ebaluazio jarraituan - Azken azterketa partziala egiten ez bada.

-Azken ebaluazioan - Zentroaren deialdi ofizialean programatutako azterketa egiten ez bada.





OHARRA: konfinamendura itzuli beharko balitz, ebaluazio probak (ebaluazio jarraituan eta azken ebaluazioan) telematikoki egingo lirateke :galdetegiak, elkarrizketak eta entregak ikasgela birtualean (eGela), eta BBC konexioak

Zati PRAKTIKO (ZP) eta Zati TEORIKO (ZT) batez osatuta dago. Ebaluazio honetan kontuan hartu beharreko pisuak honako hauek dira:

- Zati TEORIKOA (ZT) % 80ko pisuarekin.

- Zati PRAKTIKOA (ZP): banakako lanak % 20ko pisuarekin.

- NOTA FINALA (NF) irizpide hau aplikatuta lortzen da: baldin (ZT >= 4) orduan NF = ZT * 0,80 + ZP * 0,20. Gainditua kontsideratuko da, noski, NF >= 5 bada. Beste edozein kasutan, NF = GUTXIEGI.



Irakasleek informazio osagarria eska dezakete, jardueren garapen egokia egiaztatzeko.



UKO EGITEA

Zentroaren deialdi ofizialean programatutako azterketa egiten ez bada.



OHARRA: konfinamendura itzuli beharko balitz, ebaluazio probak telematikoki egingo lirateke :galdetegiak, elkarrizketak eta entregak ikasgela birtualean (eGela), eta BBC konexioak

eGelako irakasgaiko gela birtualean atzigarri dagoen materiala.

Oinarrizko bibliografia

[Bell et al., 92] Software Engineering (2nd. ed.).

D. Bell, I. Morrey, J. Pugh. Prentice-Hall, 1992.



[Booch, 94] Análisis y diseño orientado a objetos con aplicaciones.

G. Booch. Addison Wesley, 1994.



[Deitel, 08] Como programar en Java.

Harvey M. Deitel, Prentice Hall Mexico, 2008. ISBN 9789702611905.



[Durán et al., 07] Programación Orientada a Objetos con Java.

F. Durán, F. Gutiérrez, E. Pimentel. Thomson, 2007.



[Ellis, 91] Data Abstraction and Program Design.

R. Ellis. Pitman, 1991.



[Fowler, 04] UML distilled: a brief guide to the standard object modeling language.

M. Fowler. Ed. Addison-Wesley, 2004.



[Liskov & Guttag, 01] Program Development in Java.

B. Liskov, J. Guttag. Addison-Wesley, 2001.



[Meyer, 99] Construcción de software orientado a objetos (2ª ed.).

B. Meyer. Prentice-Hall, 1999.



[Rowe, 98] An introduction to Data Structures and Algorithms with Java

G.W. Rowe. Prentice-Hall, 1998.



[Barnes & Kölling, 16] Objects First with Java: A Practical Introduction using BlueJ (6th Edition).

David J. Barnes & Michael Kölling. Pearson, 2016



[Kölling, 16] Introduction to Programming with Greenfoot: Object-Oriented Programming in Java with Games and Simulations (2nd Edition).

Michael Kölling. Pearson, 2016

Gehiago sakontzeko bibliografia

[Eckel, 07] Piensa en Java.
B. Eckel, Prentice-Hall, 2007. ISBN 9788489660342.

[Froufe, 00] Java 2. Manual de usuario y tutorial.
A. Froufe. Ra-Ma, 2000.

[Meyer, 09] Touch of Class. Learning to program well with Objects and Contracts.
B. Meyer, Springer, 2009. ISBN 978-3-540-92144-8

[Sánchez et al., 05] Java 2. Iniciación y Referencia (2ª ed.).
J. Sánchez , G. Huecas, B. Fernández, P. Moreno. Ed. Mc Graw-Hill, 2005.

Aldizkariak

http://geosoft.no/development/javastyle.html

Web helbideak

http://www.eclipse.org/
http://www.java.net
http://java.sun.com
http://www.developer.com/java/
http://www.programacion.com/java/
http://www.javahispano.com/
http://www.monografias.com/trabajos/java/java.shtml
http://www.docjar.com/
https://www.bluej.org/
https://www.greenfoot.org/door