IKASGAIAREN DESKRIBAPENA ETA KOKAPENA

Testuinguruari Lotutako Pintura Praktikak irakasgaia, 6 ECTS kredituko hautazko irakasgaia da, eta Arte Graduko laugarren kurtsoan ematen da, lehen lauhilekoan. Pintura eta Grafikako minorraren parte da. Minor horretako Pintura arloko gainontzeko hautazko irakasgaiak honako hauek dira:

3. Mailan:

Metodologia eta proiektu piktorikoa

Metodologia eta prozesu piktorikoak,

4. Mailan:

Pintura, Teknologiak eta diziplinartekotasuna

Grafika eremu hedatuan, guztiak 6 kreditukoak.



Pinturan goi-mailako prestakuntza lortu nahi duten ikasleentzat beharrezkoak diren praktika eta teoria gisa planteatzen da. Lan-metodologia saio teoriko presentzialak eta tailerreko tutoretzapeko saio praktikoak konbinatzean oinarritzen da. Horrekin batera aurrez aurrekoak ez diren jarduerak ere proposatzen dira, ikasleek berehalako testuinguru artistiko eta kulturala ezagutzea eta bertan parte hartzea bilatzen dutenak.

Jarduera presentzialei zein ez-presentzialei dagokienez, irakasgaia, funtsean, praktikoa da, banakako ekimena lehenetsiz eta ikasle bakoitzaren berezko lan-moduak sustatuz eta estimulatuz, proposamen edo muga berezituen bidez. Zati teorikoa, nagusiki, testuen irakurketa kolektiboak eta horien inguruko taldeko azalpenen eta eztabaiden bidez emango da.

Abiapuntuko ideiak testuinguruaren kontzepzio sistemikoa dakar, eta, horren arabera, testuinguruak ekosistema baten antza du. Ekosistema ez da aurretik existitzen zen espazioa, edo bertako organismoekin eta banakoekin zerikusirik ez duen zerbait, baizik eta horiek, haren parte direlarik, bai banaka bai taldeka, osotasunaren konfigurazioan eragiten duten, osotasunak zati bakoitzaren konfigurazioan eragina duen bezalaxe.

Zentzu horretan, irakasgai honetan, testuinguru jakin batean kokatuta dagoen jarduera gisa hartzen da pintura praktika, eta horrekin harremanetan dauden kontuetan sakontzen da. Sortzen den giza testuinguruarekin etengabeko elkarrizketan dagoen kultur ekoizpen garaikide gisa hartzen da Pintura. Praktika horren berezitasunak artearen sistema tradizionalenean baina baita hiri-ingurunean ere sartzeko duen aukeratik jasotzen da, edo eta testuinguru politiko-kulturalean edo bestelako inguruabarretan izan dezakeen zereginetik.

GAITASUN OROKORRAK



C4CC01 - Banakako zein taldeko praktika artistiko bat garatzeko behar besteko autonomia teknikoa.

C4CC02 - Artea jakintza espezifiko gisa ulertzea. Artisten pentsamendua eta metodologia ezagutzea, haien obren eta testuen bidez.

C4CC04 - Artearen sistema, funtzionamendu-mekanismoak eta eskakizunak ezagutzea, bertan modu profesionalean integratu ahal izateko.

C4CC05 - Jarduera artistikoan, gizarteak berezkoak dituen gizabanakoa eta taldearen arteko harremanari dagozkion alderdiak ezagutzea. Artista garaikideari sozialki eska dakiokeenari dagokionez, sorkuntza-ekimenaz eta egindakoaz arduratzea. Konpromiso-gaitasuna.

C4CC06 - Esperimentazio artistiko ororekin batera doan oinarrizko sinbolizazio-eragiketa ezagutu eta gauzatzeko gai izatea.



GAITASUN ESPEZIFIKOAK



- Prozesu eta proiektu artistikoetan banaka zein taldean parte hartzeko eta esku hartzeko gaitasuna.

- Pintura praktikaren eta hura garatzen den gizarte-, denbora- eta espazio-testuinguruaren artean erlazio kontzienteak ezartzeko gaitasuna.

- Testuinguru espezifiko batekin lotutako prozesu eta proiektu artistikoetan teknologia piktorikoak eta ez-piktorikoak esperimentatzeko eta integratzeko gaitasuna.

- Arte-sistematik datozen eskaeren funtzionamenduari buruzko irizpide propioa garatzeko gaitasuna.



IKASGAIAREN IKASKUNTZAREN EMAITZAK



- Ikasleak testuinguruaren kontzeptuaren ideia sistemiko bat bere gain hartzen du.

- Ikasleak xehetasunez ezagutzen du hurbileko testuinguru artistikoa eta kulturala.

- Ikasleak pintura-lan batzuk egiten ditu, bere bizi-testuinguruaren baldintzen aurrean duen posizionamendu pertsonalaren koherentziarekin lotuta.

- Ikasleak testu- eta/edo ikus-entzunezko txosten batzuk egiten ditu, testuinguruari buruz egiten dituen behaketei buruz.

- Ikaslea testuinguru jakin batetik eta testuinguru horren aurka garatutako teknika propio eta berezi baten aukeraz jabetzen hasten da.

Irakasgai honek joan-etorriko elkarrizketa ezartzen du pinturaren praktikaren eta horren testuinguruaren artean. Pinturan sakontzen da, kokatuta dagoen praktika gisa, eta, bertatik edateaz gain, aurre egiten dio eta gertatzen den testuinguruaren eraldaketa bilatzen du. Bai praktika, bai testuinguruaren ideia bera, sistema konplexu gisa planteatzen dira, non zatiek osotasuna zehazten duten, eta alderantziz.



Irakasgaiak lan teorikoa eta praktikoa barne hartzen ditu. Zati teorikoan, testuak taldeka irakurriz lan egiten da, kokatutako lan artistikoaren ideia konplexu bat eraikitzen amaitzen duten nozioak lantzen joateko.



Gai-zerrenda teoriko-praktikoaren garapen sekuentziala aldatu ahal izango da gure testuinguru hurbileko ekitaldi eta gertaera artistikoen egutegiaren arabera.



1. Kontzeptu orokorrak

1.1. Testuinguruaren ideia ekosistema gisa. Oreka metaegonkorra eta entropia.

1.2. Artistaren desioa.

1.2.1. Oteizaren ekuazio estetiko-molekularra.

1.2.2. Subjektu-ereduak.

1.2.3. Lotura desioa: ordezkapena eta uko egitea

.

2. Kontzeptu espezifikoak



2.1. Pintura praktika.

2.1.1. Proiektua versus prozesua.

2.1.2. Gustua eta moda

2.1.3. Gorputza eta pintura. Materialtasuna eta ilusioa.

2.2. Testuinguru-praktikak

2.2.1. Hiri-deribak

2.2.2. Artisten estudioak

2.2.3. Espazio independenteak eta arte-erakundeak. Kritika, komisariotza,

display-a.

2.2.4. Artea eta komunikabideak.

2.2.5. Familia

2.2.6. Testuinguru ekonomikoa

Irakasgaiak izaera teoriko-praktikoa eta esperimentala du, eta teoria eta praktika piktoriko presentzial tutorizatua konbinatzen dira bertan, ikasleak testuinguru artistiko eta soziokulturalera hurbiltzea bilatzen duten jarduera ez-presentzial batzuekin. Metodologia aktiboak erabiltzen dira, ikasle bakoitzaren autonomia eta konpromisoa lehenetsiz.

Zentzu horretan, bere lan-proposamenak ikaskuntza artikulatzeko esperimentazio-prozesuen abiapuntua izango dira.



Ikasgaia guztiz presentziala da, eta bertan tailerreko banakako lana lehenesten da. Hala ere, ariketa eta jarduera batzuk ere programatuko dira irakasgaiaren gai nagusiarekin lotuta, hau da, pinturaren eta testuinguruaren arteko harremanekin lotuta.

Jarduera horiek Fakultatetik kanpo egingo dira, modu autonomoan, eta irakasgaiaren kreditu ez-presentzialak osatzeko balioko dute.



Programatutako aurrez aurrekoak ez diren jarduerak gaurkotasun artistiko eta kulturalaren arabera aldatu ahal izango dira, baina, oro har, honako hauek izango dira: behaketa, irudikapen edo kopia ariketak hiriko leku edo erakusketa-gune zehatzetan; elkarrizketak artistekin; erakusketetako eta tailerretako bisitak eta ondorengo iruzkinak; laneko erreferenteak lortzeko hiri-deribak; landa-koaderno baten eraketa ikaskideen edo artisten lan-prozesuei buruzko behaketekin. Idatzizko, irudizko edo eta ikus-entzunezko erregistroen bidez eman beharko da jarduera guzti horien berri.



Ikastaroaren lehen astean, aurrez aurrekoak ez diren jarduerak eta horien ebaluazio-sistema espezifikoa zehaztuko dira; kasu guztietan, horri buruzko txosten bat entregatuko da, eta ikasleak egokitzat jotzen duen forma hartu ahal izango du (testuala, grafikoa, fotografikoa, ikus-entzunezkoa, etab.).

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Praktikak egitea (ariketak, kasuak edo buruketak) (%): 40
  • Prozesu piktorikoa (%): 60

Irakasgaiaren ebaluazioa etengabea izango da. Hori gainditzeko, ezinbestekoa da proposatutako ariketa guztiak ezarritako epeetan egitea eta entregatzea, gutxienez % 80ko bertaratzea eta, pintura praktikari dagokionez, ikasturtean zehar lan jarraitua eta etengabea egitea.

Gogoeta-prozesuak eta autoebaluazioa sustatuko dira. Oso kontuan hartuko da ikasle bakoitzaren bilakaera pertsonala, heltze-zentzuan bitartekoak helburuetara egokitzean



Behar bezalako justifikazioa aurkeztuta, eskoletara joatea eta Fakultateko instalazioetan lan egitea ezinezkoa bada, ebaluazio jarraituaren ordez amaierako proba bat egingo da: ikasturtean zehar egindako lan guztiak entregatuko dira, eta ahoz aurkeztu eta defendatuko dira, dagokion unean ezarritako egunean eta moduan. Nolanahi ere, azken proba hori egin aurretik, ezinbestekoa izango da ikaslearen eta irakaslearen arteko harreman jarraitua bitarteko telematikoen bidez edo bi aldeen artean adosten diren beste batzuen bidez.



Osasun-baldintzek presentzialtasuna eragozten badute, ebaluazio-sistemari eutsiko zaio, baina, beharrezkoa den kasuetan, bitarteko telematikoen bidez egingo da, egindako lanaren argazkiak eta bideoak aurkeztuz, behar bezala balioesteko adinako kalitatearekin.



Deialdiari uko egitea



Ikasleek ohiko deialdiari uko egiteko eskubidea izango dute, ikasgaia amaitu baino lehen irakasgaiaren irakasleari zuzendutako idazki baten bidez.

Ezohiko deialdian ikasturtean egindako lan guztiak aurkeztu beharko dira, ahoz defendatu beharko dira eta, margolan bat edo gehiago eginez, astebeteko epean aurrez aurre ebazteko planteatuko den gai proposamenari erantzun beharko zaio.

Ezohiko deialdira aurkezteko, ezinbestekoa da gutxienez aldez aurreko tutoretza-saio batera joatea. Ikaslearen betebeharra izango da tutoretza-saio hori eskatzea.

Pintura praktikari dagozkionak, modu zabalean ulertuta.
Gelan proposatutako testuak.
Landa-koadernoak, irudikapen grafikorako materialak, audio- eta bideo-grabagailuak (telefono mugikorrak balio dute) ariketa ez-presentzialetarako

Oinarrizko bibliografia

- Francastel, Pierre (1992). Pintura y sociedad. Ensayos Arte Cátedra: Madrid

- Jameson, Frederic (1991). El posmodernismo o la lógica cultural del capitalismo avanzado. Paidós Ibérica: Barcelona.

- Moraza, Juan Luis (2009). El deseo del artista. Argitaratu gabea. Hemen eskuragarri: http://escultura.uvigo.es/web/index.php?d=Juan%20Luis%20Moraza/creacioninvestigacion/documentos/el%20deseo%20del%20artista

- Moraza, Juan Luis (2007). Incógnitas. Cartografías del arte contemporáneo en Euskadi. Bilbao: Museo Guggenheim.

-Zulaika, Joseba (1997). Crónica de una seducción: el museo Guggenheim de Bilbao. Madrid: Nerea.

Gehiago sakontzeko bibliografia

- Agirre, Peio (2014). La línea de producción de la crítica. Consonni: Bilbao.
- Careri, Francesco (2013). Walkscapes: el andar como práctica estética. Barcelona: Gustavo Gili.
- Fischer, Mark (2016). Realismo capitalista. Caja Negra: Buenos Aires.
- Groys, Boris (2014). Volverse público: las transformaciones del arte en el ágora contemporánea. Caja Negra: Buenos Aires.
- Imaz, Iñaki (2007). Cerdo-jabalí. La enseñanza del arte y sus contextos. Zehar nº 60-61. Arteleku: Donostia. Hemen eskuragarri: http://2003.arteleku.net/arteleku/publicaciones/editorial/zehar/60-61-la-escuela-abierta/cerdo-jabali.-la-ensenanza-del-arte-y-sus-contextos
- Imaz, Iñaki (2007). Lo mío. Bilbao: Sala Rekalde.
- Larrauri, Maite (2007). La amistad según Epicuro. Valencia: Tándem.
- Lévi-Strauss, Claude (1998). Las estructuras elementales del parentesco. Barcelona: Paidós.
- Perniola, Mario (2006). Contra la comunicación. Madrid: Amorrortu.
- Perniola, Mario (2016). El arte expandido. Madrid: Casimiro libros.
- Steyerl, Hito (2018). Los condenados de la pantalla. Caja Negra: Buenos Aires.

Aldizkariak

https://a-desk.org/
http://campoderelampagos.org/
https://www.eremuak.net/es/publicaciones
https://esferapublica.org/nfblog/
http://esnorquel.es/
http://latamuda.com/
https://www.materialesconcretos.org/

Web helbideak

http://artxibo.arteleku.net/
https://artsandculture.google.com/
http://www.iac.org.es/
http://www.ubu.com/
http://www.xn--crticaymetacomentario-u7b.net/