Pintura III margolaritzaren praktikaz arduratzen da arte garaikidearen testuinguruan, gaur egungo kulturan kokatzen diren prozesu propioei buruzko azterketa eta hausnarketa kritikoarekin batera.



Irakasleen zeregina da XXI. mendeko praktiken esparruan pinturak duen presentziari buruzko hausnarketa sustatzea. Pintura sorkuntza-bitarteko eta pentsamendu mota zehatz bezala ulertzen da, eta ez irudien erreproduzitzaile soil gisa. Irakasgai honen bidez, ikasle bakoitzaren singulartasunetik abiatuta, forma/modu pertsonala garatu dadin sustatuko da, artearen historiarekin elkarrizketak bideratuz. Testuinguru garaikidean kokatuta, pintura-praktika beste diziplina batzuetara hedatu daiteke.

Derrigorrezkoa eta oinarrizkoa den 3. mailako ikasgai hau jakintza prozesu baten amaiera modura ulertu behar da. Esperimentala da eta Pintura ezagutza arloko edukin eta esperientzak batzen ditu. Pintura eremua erreferentzia hartuta gure ikasgaia ahalegintzen da pinturaren ezagutzan sakontzen. Honen helburua da ikasleak formakuntza nahikoa lortzea mundua pintura praktikaren bitartez aztertu ahal izateko eta dagozkion tresnak lortzeko. Beti ere azken helburu modura artista profesionalaren ikuspegi kritikoa bereganatuz, norbere lanaren arduradun bezala.

Ikasgaiaren edukinen egituraketa hurrengo hiru mailetan eratzen da: eremu ideologikoa, funtzionala eta eginkizunerako eremua.

Eremu ideologikoa erabakikorra suertatzen da ideien sistema eratzerakoan eta ondoriozko edozein praktika artistikoetarako. Artelana errealitatearekin sortzen ditugun harremanetarako eredu modura eratzen da, baita hizkera piktorikoarekiko eta gure barnekotasunarekin ere. Pintura egiteak ez du helburu modura zenbait objetu produzitzea, baizik eta portaera oso bat ekartzea. Pentsatzeko modu zehatz bat da pintura. Pentsaeraren kategoria bat da, guztiz bakarra, eta keinuekin harreman berezi batetan elkartzen dena, errealitatearekin, subjektoarekin, egitearekin eta izatearekin berdin egiten duena. Gure eginkizuna ikasgai honetan hauxe da: ikaslearentzat norabide honetako hausnarketetarako tresnak erakartzea.

Eremu funtzionalak edukinen antolaketa osatzen du, beraien antolamendu ordenatua irakaskuntzarako multzoetan datorrela, eta jarraian multzo hauek egitarau independientea den sekuentzietan eratuta. Ikasleak bere kabuz erantzun propioa bilatu behar izango du sortu egiten zaizkion galderen aurrean.

Eginkizunerako eremuak, bere aldetik, lagundu egiten du errealitatearekin harremana sortzen, bai ikasgaia eta baita ikaslea. Ikastaro hasierako egitaraua eremu funtzionaletik zehaztuta datorrena da. Honek esan nahi du transmisio eta ezagutza produkzio sistema zabal batean gaudela, ikaslearen parte hartze eraginkor baten bitartez eratua. Hemen aipatutakoa Ikastaro hasierako saioetan azalduko zaio ikasleari, argi ezagutu ditzan beraien arrazoiak eta, horrela, berarenak egin ditzan.

Gure ikasgai honetan ikaste prozesuak egituratu egiten ditugu, lehenago Pintura II izeneko beste ikasgaiak egiten duen antzera, hainbat lan saioetan. Hauetan nagusia den hausnarketarako praktikari esker lortzen dugu, eta modu honetan ikasleak berak barneratuko ditu egitarau osoko edukinak, bai bakarka bai taldeka. Irakaspenerako modalitate honek berarekin batera dakar mugarik ez bereiztea teoria eta praktikaren artean. Era honetan, lan egiteko zenbait modu ezberdinak garatu ahal izango ditugu. Azken metodologia hauek ikaslearen partehartzea bermatu nahi dute, guzti hau hainbat seminario eta tailerretan nabarmenduko dugula. Ideia multzoak saio teorikoetan azalduta izan arren lan praktikoen laguntzarako tresna bihurtuko ditugu. Saio eta ahalegin hauek ez dira derrigorrez praktiken aurretik azalduta izango, baizik eta ikasleak ber-ezagutu egin beharko ditu irakaslearen laguntzarekin.

Azaldu beharrekoak:

Ikaste modu nagusia teoriko-praktikoa izango da, eremu esperimentalari lehentasun argia eskeiniz, hurrengo beste edukin guztiak modu horren ondorengoak izango direlarik. Irakasgaiaren antolaketa eginkizun presentzialak eta ez-presentzialen artean egokituko da, eta baita bakarkako lan egitasmoetan, inoiz baztertu gabe talde lanetakoak. Irakaspenerako ereduak hurrengoak dira: mintegi-tailerra, tutoritzak eta tailerrak.

Ikaslea ikasgelan egoteari lotutako lan arazoak: egotea eta parte-hartzea ikasgai teoriko-praktikoetan.

Ikaslea ikasgelan EZ egoteari lotutako lan arazoak: partehartzea eta egokitzea ikasgelatik kanpo jorratuko diren eginkizunetan.

Mintegi-tailerrari lotutako lan arazoak: egotea eta parte-hartzea gela barruko ikasgai teoriko-praktikoetan.

Tutoritzekin lotutako lan arazoak: Ikaslearen lan pertsonalaren segimendua, bai presentziala eta EZ presentzial. Zalantzak argitzeko saioa.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 10
  • Banakako lanak (%): 60
  • Lanen, irakurketen... aurkezpena (%): 15
  • Portfolio (%): 15

Tailer lanaren gaineko ebaluaketa iraunkorra, lan praktikoen aurkezpenean eta azalpenetan datza.

Ikastaroan egindako lan guztien aurkezpena eta defentsa.

Deialdiari uko egiteko ikaslegoak ikasgaiaren arduraduna den irakasleari idatziz aurkeztu beharko dio bere uko egitea, gutxienez ikasgaiaren azterketa data ofizialaren hilabete aurretik.

Ikasleek eskubidea izango dute azken ebaluazio bidez ebaluatuak izateko, etengabeko ebaluazioan parte hartu zein ez hartu. Eskubide hori baliatzeko, ikasleak etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari eta, horretarako, bederatzi asteko epea izango du lauhilekoko irakasgaien kasuan edo 18 astekoa urteko irakasgaienean, lauhilekoa edo ikasturtea hasten denetik kontatzen hasita.



Egindako lan guztien azken aurkezpena.

Ezohiko deialdiari uko egiteko nahikoa da azterketarako ezarritako datan ez aurkeztea.

Hainbat motako lanabes piktorikoak (oleo pintura, akrilikoa, akuarela, tenpera) eta euskarri sendo edo malguak.

Oinarrizko bibliografia

Berger, John. MODOS DE VER

de Ventos, Rubert. TEORÍA DE LA SENSIBILIDAD

Dewey, John. EL ARTE COMO EXPERIENCIA

Klee, Paul. TEORÍA DEL ARTE MODERNO

Sylvester, David. ENTREVISTAS CON FRANCIS BACON

Gehiago sakontzeko bibliografia

Deleuze, Gilles. LA PINTURA. CONCEPTO DE DIAGRAMA
Bell, Julian. ¿QUÉ ES LA PINTURA?
Hockeny, David. ASÍ LO VEO YO
Gasquet, Joachim. CEZANNE
Moraza, Juan Luis. ARTE Y SABOER
Valery, Paul. PIEZAS SOBRE ARTE
Marina, Jose Antonio. TEORÍA DE LA INTELIGENCIA CREADORA

Aldizkariak

Fakultateko liburutegian dauden aldizkariak:

Revistas que se encuentran en la biblioteca de la facultad:
- ARTFORUM
- ARTNEWS
- ARTE E INDIVIDUO Y SOCIEDAD
- ARTE Y PARTE
- BEAUX ARTS
- FLASH ART
- ART JOURNAL
- LÁRT MEME
- ART IN AMERICA
- ART PRESSE
- ART REVIEW
- Bai bertoko eta kanpoko egunkariekin batera datozen kultur gehigarriak.

Web helbideak

http://www.ehu.es/procesosdecreacion
http://www.ehu.es/pintura
http://en.wikipedia.org/wiki/UbuWeb