"Elikadura eta kultura" izeneko ikasgaia derrigorrezkoa da, eta kokatuta dagoen moduluak "Oinarrizko Prestakuntza" ikasleei eskaintzea du helburu.

Elikadura, zenbait diziplina edo ikuspegitatik aztertzen den arloa da. Ikasgai honek duen xedea horrela laburbil daiteke: aztertzea zein diren, eskuragarri dauden elikagai guztien artetik batzuk ez besteak aukeratzeko, gizatalde batzuen arrazoi sozialak eta kulturalak.

Jorratuko diren edukiek zenbait argibide emango die ikasleei, hala nola elikadura aztertzeko Gizarte Zientziek baliatzen dituzten kontzeptuak ezagutzea, gure ingurunean ohikoak diren elikatze mota ezberdinez jabetzea, gizatalde jakin batzuek egiten duten elikagaien hautuaren atzean dauden arrazoiak ezagutzea (aniztasun erlijiosoa eta kulturala gurean gero eta handiagoa izanik, puntu hau are garrantzitsuagoa da gaur egun), edota historian zehar gertatu diren elikaduraren aldaketa nagusiak ezagutzea.

Ikasgai hau burutzeko ez da aldez aurretiko ezagutza espezializaturik behar.

1.Dietetikaren eta nutrizioaren diagnosi-ebaluazioarekin eta tratamenduarekin harremanetan dauden talde lanerako gaitasunak eskuratzea, zeinak diziplina bakarraren edo anitzen zein diziplinartekotasunaren bidez lan-unitate horretan eratzen baitira.

1.1.Gizarte Zientziek elikaduraz baliatzen dituen kontzeptuak ezagutzea, eta ikuspegi horretatik egin litezkeen ekarpenak ere.

1.2.Gizarte ikerkuntzaren hurbilpena zein teknika nagusiak ezagutzea.



2.Giza portaeran eragiten duten oinarri psikologikoak zein osagai biopsiko-sozialak ezagutzea.

2.1.Elikaduraren kultura transmititzen duten eragileek (besteak beste, familiak edo hedabideek) ezagutzea.

2.2.Elikatze mota berriak azaltzeko dauden faktore soziokulturalak ezagutzea.



3.Osasunaren eta gaixotasunaren ikuspegitik hartuta, elikadurak izan duen bilakaera historiko, antropologiko eta soziologikoa ezagutzea.

3.1.Historian zehar dietan gertatu den bilakaeraren oinarri sozial, ideologiko, ekonomiko, politiko eta teknologikoen aldaketak ezagutzea.



4.Giza Elikaduraren oinarri antropologikoak deskribatzea. Elikatzeko usadioetan eragin lezaketen desberdintasun kulturalak eta sozialak deskribatu eta argudioz janztea.

4.1.Erlijio nagusiek beren fededunei ezartzen edo gomendatzen dizkien elikatzeko arauak ezagutzea.

4.2.Jatearen funtzio soziokulturalak eta sinbolikoak ezagutzea, hala nola identitatea, ezberdintasuna azpimarratzea edo gizatalde jakin bateko kidetasuna.



5.Portaera dietetikoaren lege eta etikaren mugak ezagutzea.

5.1.Gizatalde batek egiten duen elikatzeko hautuaren zergatiez hausnartzea.



6.Elikadura, Nutrizio eta Dietetika arloan erabili ohi diren oinarrizko IKT-ak baliatu ahal izatea.

6.1.Artikulu bat laburtzen eta horren aurkezpena gelan egiten ohitzea.



7.Biztanleriaren elikadura- zein nutrizio-heziketarako politiken plangintzetan laguntzea.

7.1.Kontsumorako Heziketa programa baten planifikazio eta ebaluazio prozesua deskribatzea.

7.2.Gizatalde jakin baten iritzia ezagutzeko asmoz, inkesta bat diseinatzen jakitea.

1.Elikaduraren izaera sozio-kulturala

2.Elikaduraren historia

3.Aro garaikideko elikaduraren ezaugarriak

4.Sinesmen erlijiosoak eta elikagaien kontsumoa

5.Gizarte ikerkuntza eta kontsumorako heziketa elikaduraren arloan

Ikasgai honetan metodologia mota ezberdinak uztartzen dira; alegia, magistrala, banakako zein taldekako praktikaldiak, artikuluen irakurketa eta horren aurkezpena ikasgelan.

Saio magistraletan, ikasgaiaren eduki eta kontzeptu nagusien aurkezpena egingo du irakasleak, eta aukera zabalduko du ikasleek gaiaz hausnartu eta eztabaida dezaten.

Praktikaldiak nagusiki ikasgelan burutuko dituzte ikasleek, eta eduki teorikoak osatzera bideratuta egongo dira.

Praktika batzuk banakakoak izango dira eta taldekakoak beste batzuk.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 55
  • Praktikak egitea (ariketak, kasuak edo buruketak) (%): 45

Ikasgai honen ebaluazioa mistoa izango da eta horrela osatuko da:



1.Ebaluazio jarraia: nota osoaren %45 balioa izango du.

2.Banakako azken proba: notaren %55. Idatziko azterketa, lauhilekoaren bukaeran horretarako aurreikusitako sasoian, kurtsoan zehar landutako gaien inguruan.



Ikasgaiaren azken kalifikazioa osatuko da arestian esandako bi probetan lortutako noten batuketaren bitartez; hala ere, praktiketan eskuratutako puntuak aintzat hartu ahal izateko beharrezkoa izango da azterketa gainditzea (gutxienez 2,75 puntu lortuz).

Ez-ohiko deialdian, ikasleak amaiera probara (notaren %55ko balioduna) aurkeztu beharko du, banaka, eta horretan lortutako notari gehituko zaizkio ebaluazio iraunkorrean lortutakoak.

Ikasleek ikasgaiko apunteak beharko dituzte, zeinak kurtsoan zehar banatuko diren. Horietan eduki teorikoak zein burutu beharreko praktikak jasoko diren.

Oinarrizko bibliografia

-Contreras. J. y Gracia, M. (2005) "Alimentación y cultura. Perspectivas antropológicas". Barcelona: Ariel

-Haranburu, L. (2000) "Historia de la alimentación y de la cocina en el País Vasco". Alegia: Hiria

Gehiago sakontzeko bibliografia

-Mennell, S. et alt (1992) "The sociology of food: eating, diet and culture". Londres: Sage Publications
-Schmidt-Leukel, P. (ed.). "Las religiones y la comida" Barcelona: Ariel
-Departamento de Sanidad y Consumo (1990) "La Educación para la Salud en la Comunidad Autónoma Vasca". Documentos Técnicos de Educación para la Salud Nº 1. Servicio Central de Publicaciones del Gobierno Vasco.
-García Ferrando, M. y otros (Comp) (1986) "El análisis de la realidad social. Métodos y técnicas de investigación social". Madrid: Alianza Universidad.
-Juaristi, P. (2003): "Gizarte ikerketarako teknikak. Teoria eta adibideak". Bilbo. UPV-EHU.

Aldizkariak

-Appetite
-Zainak

Web helbideak

-Eustat http://www.eustat.eus/
-Osakidetza http://www.osakidetza.euskadi.eus/r85-ghhome00/es/
-Auñamendi Eusko Entziklopedia: http://www.euskomedia.org/aunamendi/ee20044