Irakasgai honetan, farmazia bulego baten kudeaketarako beharrezkoak diren hainbat kontzeptu ikasiko ditugu. Ikasleak hasiko dira farmazia bulegoa enpresa moduan ikusten; beraz, errentagarritasuna lortzeko beharrezkoak diren hainbat marketing-teknika eta kontabilitatearen arloko kontzeptu landuko dira, besteak beste. Bestalde, ospital baten farmazia zerbitzua nola kudeatzen den ikusiko dugu eta baita zer diren eta nola lan egiten duten biltegi farmazeutikoek eta industria farmazeutikoek.



Farmazia bulegoak negozio pribatuak badira ere, ezin da ahaztu, interes publikoa dutela. Beraz, ikasleek jakin behar dute zeintzuk diren bete beharreko arauak eta legeak, nola dagoen antolatuta osasun sistema, zer egin behar duten irakasle, ikerlari edo farmazeutiko espezialista bezala aritzeko, etabar.

GAITASUNAK:



1. Osasun arloarekin erlazionatutako baldintza legal, sozial eta ekonomikoak ezagutu, ulertu eta erabili, sendagaien arlokoak bereziki.



2. Oinarri etiko eta deontologikoak ezagutu eta jarduera profesionala gidatzen duten legezko xedapenek eta administrazio xedapenek ezartzen dutena errespetatuz jardun, beste osasun-profesionalekin elkarrekin lan egiten eta talde-lanerako trebetasunak eskuratuz.



3 Legeri farmazeutiko eta sanitarioarekin erlazionatutako informazioa eskuratzeko teknikak menperatu.



4. Aktibitate farmazeutiko guztietan kudeaketa teknikak ezagutu eta ezarri



5. Osasun Sistema Nazionalari buruzko oinarrizko ezagutzak eskuratu, orokorrean osasun legeriari buruzkoak, eta bereziki sendagaiekin, osasun produktuekin eta asistentzia farmazeutikoarekin erlazionatutakoak



6. Osasun Sistemaren lehen mailako atentzioan eta baita atentzio espezializatuan ere, arreta farmazeutikoarekin erlazionatutako ezaugarri espezifikoak eta kudeaketarako teknikak ezagutu eta ulertu.



7. Farmazia bulegoan eta baita industria farmazeutikoan ere, arreta farmazeutikoarekin erlazionatutako ezaugarri espezifikoak eta kudeaketarako teknikak ezagutu eta ulertu.





ZEHARKAKO GAITASUNAK:



1. Lan-taldeetan lan egiten jakitea.





IRAKASKUNTZAREN EMAITZAK:



1. Farmazialariak bere bizibidean jardun dezakeen enpresen antolaketako tipo desberdinak identifikatzea eta bereiztea.



2. Botiketako merkatu-analisia egitea eta datuak interpretatzea.



3. Asistentzia farmazeutiko alderdi guztietako (farmazia bulegoan, lehen mailako arretan, arreta espezializatuko egituretan eta baita industria farmazeutikoan ere) kudeaketa teknikak ezagutzea eta erabiltzea.



4. Medikamentuen datu-baseak eta farmazia bulegoen kudeaketarako programa informatikoak erabiltzea.



5. Osasun-eremuarekin eta, batez ere, medikamentuarekin erlazionatutako baldintza legal, sozial eta ekonomikoak ezagutzea, ulertzea eta ezartzea.



6. Farmazia bulegoan, ospitalean eta industrian erabiltzen diren medikamentu eta osasun-produktuak hornitzea, kontrolatzea, egoki mantentzea eta dispentsatzea.



7. Oinarri etiko eta deontologikoak ezagutzea eta jarduera profesionala gidatzen duten legezko xedapenek eta administrazio xedapenek ezartzen dutena errespetatuz jardutea, beste osasun-profesionalekin elkarrekin lan egiten eta talde-lanerako trebetasunak eskuratuz.



8. Legeri farmazeutiko eta osasun-legeari buruzko informazio-iturrietatik informazioa errekuperatzeko teknikak menderatzea.



9. Osasun Sistema Nazionalari buruzko oinarrizko ezagutzak eskuratzea, orokorrean osasun legeriari buruzkoak, eta bereziki sendagaiekin, osasun produktuekin eta asistentzia farmazeutikoarekin erlazionatutakoak.

EGITARAU TEORIKOA:



KUDEAKETA ETA PLANGINTZA



I. Modulua: ENPRESA



1. Enpresa kontzeptua. Merkataritza eta enpresa jardueren bilakaera historikoa. Enpresa antolaketa. Enpresa ingurunea. Enpresa kudeaketa eta plangintza.



2. Farmazia -bulegoa enpresa bezala: Definizioa, asmoa eta helburuak. Funtzio eta egituraren bilakaera. Inbertsioa eta alderdi fiskalak. Merkatu farmazeutikoa.



II. Modulua: FARMAZIA -BULEGOAREN KUDEAKETA ETA PLANGINTZA



3. Marketing eta merchandising-a. Kontzeptua. Marketing-eko elementuak. Marketingaren plangintza eta kudeaketa.



4. Kudeaketa ekonomiko-finantzaria. Kontabilitatea. Egoeraren balantzea. Emaitzen kontua.



5. Medikamentuaren prezioa. Medikamentuen prezioen sistema. Biltegien eta farmazia -bulegoen marjinak. Balio erantsiaren gaineko zerga (BEZ) eta baliokidetasun errekargua (BE).



6. Erosketen kudeaketa. Hornitzaileen aukeraketa. Onuren gaineko ondorioak. Onuraren marjina. Beherapen eta hobariak. Eskaera egin aurretik eta erosteko momentuan kontutan izan beharreko faktoreak.



7. Stock-aren kudeaketa. Izakinak. Erosketa lote hobezinaren adierazleak. ABC sailkapena.



III. Modulua. LEHEN ARRETA ETA ARRETA ESPEZIALIZATUAREN KUDEAKETA ETA PLANGINTZA



8. Kudeaketa eta plangintza lehen arreta eta arreta espezializatuan. Medikamentuen aukeraketarako prozesua. Hornitzaileen eta dispentsazioaren kudeaketa.



IV. Modulua. BANAKETAREN ETA INDUSTRIA FARMAZEUTIKOAREN KUDEAKETA ETA PLANGINTZA



9. Banaketaren kudeaketa eta plangintza. Banaketa farmazeutikoaren ezaugarri eta funtzioak. Biltegi farmazeutikoak.



10. Industria farmazeutikoaren kudeaketa eta plangintza. Kudeaketa logistikoa eta ekoizpen kudeaketa. Kalitatearen kudeaketa. Marketingaren kudeaketa.



LEGERIA ETA DEONTOLOGIA



I. Modulua. FARMAZIA ETA OSASUN ANTOLAKETA ETA LEGERIA



11. Legeria farmazeutikorako sarrera: kontzeptua eta edukia. Oinarrizko farmazia eta osasun legeria.



12. Osasun Sistema Nazionala. Automia, Estatu eta Europear mailako osasun erakunde eta antolaketa.



II. Modulua. HEZIKETA ETA JARDUERA PROFESIONALAK



13. Farmazilaria irakaskuntzan eta ikerketan.



14. Farmazilari espezializatua.



III. Modulua. OSASUN MEDIKAMENTU ETA PRODUKTUAK



15. Osasun medikamentu eta produktuak. Kontzeptuak eta erlazionatutako terminologia.



16. Prestazio farmazeutikoa. Mediku errezeta. Preskripzio eta dispentsazioarako baldintzak.



17. Medikamentuei buruzko informazioa eta promozioa.



IV. Modulua. ERREGULAZIO FARMAZEUTIKOA



18. Farmazia -bulego eta botikinen arauketa eta funtzionamendua.



19. Medikamentuen erregistroa.



V. Modulua. DEONTOLOGIA



20. Farmazilarien deontologia eta erantzunkizuna.





EGITARAU PRAKTIKOA:



I. Gelako praktikak

1. Prestazio farmazeutikoa: errezeten kontrola eta dispentsazioa.

2. Merchandising-tekniken erabilera farmazia bulegoan.

3. Eskaintzen analisia.

4. Kontabilitatea: egoera balantzea.



II. Ordenadore praktikak

1. Rol-jokua edo Nodofarma Asistencial-ari buruzko taillerra

2. Marketina eta merchandising

3. FB berria irekitzeko prozedura

4. FBen erregulazioa Autonomi Erkidego ezberdinetan

5. Formula magistralen balioztatzea. Kudeaketa farmazeutikorako programa informatikoaren erabilera



III. Landa praktika:

Biltegi farmazeutikoa edo laborategi farmazeutikoa bisitatzea.

Programa teorikoan jasotzen diren hainbat gairen klase magistralak era dinamikoan landuko dira. Bertan, ikasleen parte-hartzea ezinbestekoa izango da.

Bestalde, metodologia aktiboak erabiliko dira eta lan kooperatiboak egingo dira kurtsoan zehar. Beraz, ikasleak jarrera aktiboa erakustea behar-beharrezkoa izango da ikasgai honetan.



Gelako praktiketan zein ordenadore saioetan kasu praktikoak eta ariketak proposatuko dira kontzeptu teorikoak lantzeko asmoz.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 65
  • Test motatako proba (%): 20
  • Praktikak egitea (ariketak, kasuak edo buruketak) (%): 15

EBALUAZIO IRIZPIDEAK ETA BALIABIDEAK



IDATZIZKO AZTERKETA TEORIKO-PRAKTIKOA (%65)



- Test galderak, teoriaren ulermenari buruzko galdera laburrak eta klase teoriko eta praktikoen edukiari buruzko kasu praktikoen ebazpena.



- Azterketaren %50 gainditzea beharrezkoa da irakasgaia gainditzeko.



Ebaluazio irizpideak:



- Teorian azaldutako kontzeptuen ulermena, azalpen koherentea.



- Kontzeptuen aplikazio egokia, arrazoiketa aproposarekin eta erantzunak argudiatuz.



- Eduki teoriko eta praktikoen arteko erlazio maila.



- Ariketa eta kasu berrien ebazpen maila.



- Kontzeptu akats larrien eza.



- Erantzun zuzena aukeratzea.



- Ortografia eta sintaxi akatsak: kopuruaren arabera zigortuko dira, -0,1 puntu akats bakoitzeko, -0,5 puntuko maximora arte.





EGELAN EGINDAKO TEST GALDETEGIAK (20%):

- egelan, kurtsoan zehar 4 galdetegi egingo dira.



Ebaluazio irizpideak:

- Erantzun zuzena aukeratzea.





ORDENAGAILU PRAKTIKAK



- Praktiketako kalifikazioa gai/ez gai izango da. Ez gai izateak, azterketa bat egin behar izatea suposatuko du egitarau praktikoari buruzko kontzeptuei buruzkoa.



Honako aspektuak hartuko dira kontuan:



- Puntualitatea.



- Jarrera kolaboratiboa.



- Emaitzak.





LANDA PRAKTIKAK:

- Landa praktiketara joatea derrigorrezkoa da.





OHARRAK



** Ikasleek ebaluazio jarraituari buruzko xehetasun gehiago izango dituzte Ikaslearen Gidan.



Ikasleen Ebaluaziorako Arautegiaren arabera, ikasleek eskubidea izango dute azken ebaluazio bidez ebaluatuak izateko, etengabeko ebaluazioan parte hartu zein ez hartu. Eskubide hori baliatzeko, ikasleak etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari eta, horretarako, bederatzi asteko epea izango du lauhilekoko irakasgaien kasuan, ikastegiko eskola egutegian zehaztutakoarekin bat lauhilekoa hasten denetik kontatzen hasita.





DEIALDIARI UKO EGITEA



- Deialdiari uko egiten dioten ikasleek «aurkezteke» kalifikazioa jasoko dute.



- Azken proba idatzira ez aurkeztea nahiko izango da deialdiari uko egin eta "ez aurkeztua" kalifikazioa izateko.

1.- Irakasgaia ohiko deialdian gainditzen ez duten ikasleek, hautatutako ebaluazio sistema gorabehera, eskubidea izango dute ezohiko deialdiko azken ebaluazioko proba osatzen duten azterketa eta jardueretara aurkezteko.



2.- Ezohiko deialdietan irakasgaiak ebaluatzeko sistema bakarra azken ebaluazioa izango da.



3.- Ezohiko deialdiko azken ebaluazioko probak definituta dauden ikaskuntzaren emaitzak ebaluatzeko eta neurtzeko behar beste azterketa eta ebaluazio jarduera izango ditu, emaitzok ohiko deialdiaren pareko baldintzetan ebaluatu ahal izateko. Ikasleek ikasturtean zehar eskuratutako emaitza positiboak gorde ahal izango dira. Aldiz, ikasturtean zehar egindako etengabeko ebaluazioaren emaitzak negatiboak badira, emaitzok ezin izango dira ezohiko deialdirako mantendu eta deialdi horretan ikasleek kalifikazioaren %100 eskuratu ahal izango dute.

Oinarrizko bibliografia

- Catálogo de Medicamentos. Consejo General de Colegios Oficiales de Farmacéuticos. 2021

- Cómo preparar y poner en marcha planes de negocio. Ediciones Gestión. Barcelona. 2002.

- Fundamentos de gestión de empresas. María Romero Cuadrado y Santiago Garrido Buj. Editorial universitaria Ramón Areces. Madrid. 2019.

- Gestión de la calidad en la Oficina de Farmacia. Manual para la implantación de un sistema de calidad en la oficina de farmacia. Grupo de calidad FACOR. Editorial Amigo. 2001.

- Gestión de Stocks. Francisca Parra Guerrero. Esic Editorial. Madrid, 2005.

- Las oficinas de Farmacia y las Sociedades Profesionales. David Blanquer. Colegio Oficial de Farmacéuticos de Valencia. Tirant monografías 514. Valencia. 2007.

- Manual de Legislación Farmacéutica. Maria del Carmen González Leonor, Antonio González Bueno y Carlos del Castillo Rodríguez. Editorial Dykinson. Madrid. 2020.

- Marketing y gestión para farmacias. Como vender más y diferenciarse de la competencia. Plácido Consentino. Editorial Limusa. Rosario. Argentina. 2009.

- Marketing en el punto de venta: comunicación y promoción. Ricardo Palomares. Esic Editorial. Madrid. 2017.

- Todo lo que debe saber sobre gestión de la farmacia. Liderar personas. Profit editorial. Barcelona. 2016.

- Todo lo que debe saber sobre gestión de la farmacia. Juan Carlos Serra. Profit editorial. Barcelona. 2015.

Web helbideak

- www.boe.es
- www.euskadi.net
- www.msc.es
- www.emea.eu.int
- www.portalfarma.com