Metafisika I eta Metafisika II ikasgaiak modu bakar batean daude osatuak. Bere xedea, metafisikak, (lehenengo filosofia -"filosofia prima"- gisa ulertuz), dituen arazo nagusien ulermen sistematikoa laguntzea izango da. Baita ere, bere historia kontzeptuala, historia eta kulturaren artean osatu dituen loturak eta, aldi berean, kulturaren barne betetzen duen legea. Metafisika I-ek, metafisikaren nozio eta bere arazo nagusienetara sarrera eskeintzen du. Era berean, arazo filosofiko klasikoak landuko dira, zientzia eta arte garaikideetatik sortutako gogoeten argitan.

Kontrapartida gisa, ariketa zientifiko eta artistikoaren kontzeptu nagusiek metafisikaren historian zehar sortutako gogoeta metafisikoetan euskarri bat aurkituko dute. Metafisika I.ak gizaki garaikidearen mundu-ikuskeraren jatorria azpimarratuko du, eta gizarte modernoen jarraibide nagusiak greziar pentsamenduaren garapena eta bilakaera direla frogatuko du.

Metafisika I-eko ikasketen ondorioz, ikasleak tresna kontzeptualak eskuratuko ditu, filosofiaren historian zehar sortu diren beste eskola eta korronteetarako sarbide logikoa eta panoramikoa izateko. Era berean, gizateriaren egungo garapenari eragiten dioten funtsezko berme problematiko handiagoekin ekin ahal izango dio. Hain zuzen ere, gaur egun iraunkortasun arazo larriak, identitate pertsonaleko arazoak eta teknologia aurreratuaren erabilerak sor ditzakeen arazo etikoak planteatzen dituzten gai askok hausnarketarako eta eztabaidarako leku askoz interesgarriagoa aurkitzen dute metafisikaren tresna kontzeptualekin lantzen badira. Gai horiek jorratzen dituzten foro sozial eta politiko asko Metafisikak egindako ekarpenez baliatuko dira.

Metafisikako egile ezagunen testuak, arlo horretako oinarri kontzeptualak eta historia islatzen direnak, modu aktiboan ulertzea eta modu kritikoan interpretatzea, gutxienez EBko bi hizkuntza ofizialetan.

Sistema metafisikoak historiari eta horiek oinarritzeko arazoei buruzko gaiak ahoz azaltzea, eztabaidatzea, modu kritikoan baloratzea, eta horiei buruzko hitzaldi ongi egituratuak modu arrazoituan idaztea, eta horretarako, terminologia tradizional eta garaikide ezaguna erabiltzea.

Taldean nahiz modu autonomoan lan egitea, eta Metafisikako arazo errepikariak identifikatzea eta aztertzea, eta filosofia praktikoaren arloan agindu behar duten baloreei eta printzipioei gogoeta metafisikoa aplikatzea.

Hainbat prozeduraren bitartez, historian zehar proposatutako argumentu metafisikoen balizkotasuna edo onargarritasuna identifikatzea eta ebaluatzea, eta horretarako, horien puntu ahulak, falaziak eta paralogismoen menpe dauden alderdiak nabarmentzea.

Sistema metafisiko tradizionalak eta garaikideak ikertzeko asmoz informazioaren teknologiak erabiltzea datuak biltzeko eta trukatzeko, eta iturri bibliografikoak eskuratzeko.

1. Zer da metafisika? Hautabide historiko-kontzeptualak

2. Metafisikaren oinarrizko hiztegia eta arazo nagusiak: azterketa sistematikoa.

3. Kategorien sistemak eta oinarrizketaren arazoa

4. Metafisika, ontologia eta onto-teologia

5. Metafisika, zientzia eta kultura: mugapena arazoaren oinarri ontoepistemologikoak



* Kurtsoaren hasieran, irakasleak egitarauak izan ditzekeen aldaketa eta xehatasunen berri argituko ditu

• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 40
  • Banakako lanak (%): 30
  • Lanen, irakurketen... aurkezpena (%): 30

Derrigorrez erabiliko dira, baita ere, mendebaldeko filosofiaren historian izan diren oinarrizko testuak.
-AGUIRRE, J: Filosofo presokratikoak. Klasikoak. 2004.
-ARRIETA, A..., Filosofiaren historia, Elkar,2008
-ARISTOTELES, Metafisika (Klasikoak 1997)- Kategoriak (Gaiak, 1999)
-PARMENIDES, Poema (Ikusi, Aguirre, J, 2004)
-PLATON, Sofista, (Alianza editorial, 2010).

Oinarrizko bibliografia

-"Metafísica" sarrera : Diccionario de Filosofía de F. Mora, Alianza Madrid 1991, eta Enciclopedia Oxford de Filosofía, Tecnos 2001

-LOVEJOY, A. O.: La gran cadena del ser, Barcelona 1983

-HEIMSOETH, H., Los seis grandes temas de la metafísica occidental, Rev. De Occidente, Madrid 1966.

-HEIDEGGER, M.: Introducción a ¿Qué es metafísica? El retorno al fundamento de la metafísica, Trad. de H. Cortés y A. Leyte, Hitos, 2000

-GRONDIN, J: Introducción a la metafísica, Herder, Madrid 2006.

Gehiago sakontzeko bibliografia

-HEIDEGGER, M.: La constitución onto-teo-lógica de la metafísica, en: Identidad y Diferencia, E. bilingüe de A. Leyte, Hitos 1988
-GÓMEZ PIN, V: Tras la física. Abada 2019.
-PUTNAM, H.: Razón y metafísica, Valencia 1998
-STEGMÜLLER, W.: Metafísica, escepticismo y ciencia, Alianza, Madrid, 1986
-STRAWSON, P. F.: Análisis y Metafísica, Paidós, Barcelona, 1997
-ZUBIRI, X.: Los problemas fundamentales de la metafísica occidental, Madrid (Alianza) 1994

Web helbideak

http://es.wikipedia.org/Metafísica
http://es.wiktionary.org/wiki/metafísica
http://en.wikipedia.org/wiki/Metaphysics
http://es.wikipedia.org/wiki/Ontología
http://en.wikipedia.org/wiki/Ontology
http://plato.stanford.edu/entries/metaphysics/
http://philpapers.org/browse/metaphysics