FISIKA AURRERATUA ikasgaia, noski, FISIKA ikasgaiaren jarraipena da. Bi ikasgaiok Ingeniaritza Graduko lehen mailakoak izaki, Batxilergoko Fisika eta Matematika ikasgaiak dituzte oinarri.

FISIKA AURRERATUAK, halaber, oinarriak finkatzen ditu Ingeniaritza Graduaren goragoko kurtsoetako hainbat ikasgai espezializatuetan, hala nola, Elektroteknia, Materialen Zientziak, Makina Elektrikoak, Elektronika, Teknologia Elektrikoa edota Automatika. Ikus daitekenez, garrantzia handia dauka Fisika Aurreratuak Ingeniaritzako graduan.

Elektromagnetismoaren kontzeptu aurreratuak, Optikaren eta Fisika Kuantikoaren oinarrizko kontzeptuak ulertu eta menderatu, eta kontzeptu horiek aplikatu ingeniaritzako problemak ebazteko.

FISIKA AURRERATUAN aztertzen dira Eremu Elektrikoa, Korronte Elektrikoak, Magnetismoa, Indukzio

Elektromagnetikoa, Uhinak, Optika Geometrikoa eta Fisika Kuantikoaren Oinarriak.

Egoera "Fisiko" baten aurrean, ikasleak fenomeno fisikoa identifikatzen jakingo du (fisikaren arlo ezberdin guztietatik), magnitude fisiko adierazgarriak bereizi, erabakiko du zein oinarrizko lege aplikatu behar duen aldagai fisikoak erlazionatzeko, eta kasu konkretu horri dagozkion tresna matematikoak erabili, egoera "fisiko" horren ezezagunak kalkulatzeko.

1. Gaia. ELEKTROSTATIKAREN OINARRIAK

2. Gaia. ELEKTROSTATIKA MATERIALETAN

3. Gaia. KORRONTE ELEKTRIKOA

4. Gaia. MAGNETISMOA

5. Gaia. INDUKZIO ELEKTROMAGNETIKOA

6. Gaia. UHINAK

7. Gaia. OPTIKA GEOMETRIKOA

8. Gaia. FISIKA KUANTIKOAREN OINARRIAK

Klase magistralak, eduki teorikoak eta ariketak jorratzeko. Mintegi-moduko esperimentu "erakutsiak" klasean bertan egingo dira, fenomenoak zehazkiago ezagutzeko. Fisikak atal ezberdin asko ditu, eta denak ezagutzea komenigarria da, oinarrizko mailan behintzat.

• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 90
  • Kontrola (idatzizkoa eta banakakoa) (%): 10

Kontrola: lauhilekoaren erdialdera, kontrol bat egiten da (azterketa labur bat, klase ordutegian). Kontrol horrek notaren %10 balio du.

Ohiko Deialdia (talde guztiek azterketa bera): galdera teorikoak eta ariketak. Azterketa horrek notaren %90 balio du.

Ez aurkeztuak uko egindakotzat hartzen dira.

Azterketa (talde guztiek azterketa bera): galdera teorikoak eta ariketak. Azterketaren nota bakarrik hartzen da kontutan (%100), alegia, ezohiko deialdian ez da kontrolaren nota kontutan hartzen.

Ez aurkeztuak uko egindakotzat hartzen dira.

Fisika Sailak Liburu bat argitaratzen du: "FISIKA AURRERATUA". Liburu horretan datoz ikasgaiaren eduki teorikoak eta ariketak, gaika sailkatuta. Ikasleek liburu hori eros dezakete Ingeniaritza Goi Eskolako argitalpen-zerbitzuan (inprimategiko gastuetarako erabiltzen da soil-soilik dirua).

Oinarrizko bibliografia

Fisika Zientzialari eta Ingeniarientzat; P. Fishbane, EHU Argitalpen zerbitzua, 2008

Física Universitaria, Young, Freedman, Ed. Pearson 2018

Física, Tipler y Mosca; Vols 1 y 2, 5ª Edición, Reverté 2005

Física conceptual, P.G. Hewitt, Prentice Hall Mexico, 2004

Física, Alonso y Finn, Addison-Wesley Iberoamericana, 1995

Gehiago sakontzeko bibliografia

Campos Electromagnéticos. R.K. Wangsness Ed. Limusa (Méjico) 2006
E. Hecht, A. Zajac. Óptica. Ed. Addison Wesley, 2000.
Física Cuántica Eisberg, R. Y Resnick, R.: Ed. LIMUSA. 2005
Lectures on Physics, Feynman, 2 eta 3 bolumenak, Leighton eta Sands, Addison.-Wesley Iberoamericana, 1989

Aldizkariak

Revista Española de Física
European Journal of Physics
American Journal of Physics

Web helbideak

EHU-ko Fisika Sailak garatutako materiala:
http://www.sc.ehu.es/sbweb/fisika/default.htm
Beste helbide interesgarriak:
http://www.fearofphysics.com/index1.html
http://www.hiru.com/fisika