Merkataritza Zuzendaritza irakasgaia, Antolakuntza Industrialeko Graduko hirugarren kurtsoan ematen da, Enpresen Antolakuntza izeneko 3. Moduluaren barruan.



Irakasgaia beraz Enpresen Antolakuntzaren testuinguruan kokatzen da eta, jarraipena ematen dio bigarren kurtsoan ikasten den Ekonomia irakasgaiari.



Honela, Merkataritza Zuzendaritza irakasgaia enpresa antolakuntzari dagokion arloan espezializatzen da, paso emateko graduko ondorengo irakasgaiekin, enpresa kudeaketa eta antolakuntzaren ezagutza handiago bati, hala nola Finantza Zuzendaritza edota Enpresen Estrategia eta Politikak, besteren artean.





Irakasgaiari esker, merkatal enpresaren marketin eta merkatal kudeaketarako oinarrizko jakintzak lortzeko beharrezko gaitasunak bereganatuko dira enpresaren funtzionamendua hobetzeko ezagutzak lortuz, horrela lan arloan, ingeniaritza eta enpresa kudeaketa eskatzen duten postuetan lan egin ahal izateko.

Bereganatu beharreko gaitasunak:



1.- Teknika eta tresna berriak identifikatzea enpresak antolatzeko eta kudeatzeko.

2.- Antolakuntzetako kideen esperientzia eta ezagutza kudeatzea funtzionamenduan hobekuntzak egiteko.



Ikaskuntza emaitzak ondorengoak izango dira:



- Merkatal enpresaren marketin eta merkatal kudeaketarako oinarrizko ezagutzak jasotzen ditu: merkatal eta marketin funtzioak, eskariaren aurreikuspen eta ikasketa, merkatal ikerkuntza eta merkatuen ikasketak, erosketa eta hornikuntzak, merkatal antolakuntza eta marketin plangintza.



- Enpresaren merkatal kudeaketa eta marketin arloetan teknika eta tresna berriak identifikatzen ditu.



- Antolakuntzen funtzionamendua aztertu eta hobekuntzak aplikatzen ditu.

0 gaia ZUZENDARITZA KOMERTZIALA edo MARKETINA.

1 Gaia MARKETINAREN OINARRIZKO KONTZEPTUAK

2 Gaia MARKETINAREN IKUSPUNTU OROKORRA

3 Gaia MARKETIN PLANGINTZA

4 Gaia MERKATUA ETA BERE OSAGAIAK

5 Gaia ESKARIAREN AZTERKETA: KONTZEPTU ETA BALDINTZAK. AURRIKUSPENA.

6 Gaia ESKARI FUNTZIOA

7 Gaia MERKATAL ANTOLAKUNTZA. SALMENTAK

8 Gaia EROSKETAK ETA HORNIKUNTZAK

9 Gaia MERKATU ANALISIA

10 Gaia PRODUKTUA

11 Gaia PREZIOA

12 Gaia BANAKETA SAREAK. BITARTEKARIAK.

13 Gaia KOMUNIKAZIOA

14 MARKETIN TENDENTZIAK

Metodologiari dagokionez, hau klase magistral eta gela praktiketan (talde eta banakako lanak, eta zenbait talde lanen ahozko aurkezpena) banatuko da.



- Klase magistraletan temarioari dagokion teoria azalduko da, aurrez ikaslegoari e-gelan eskegitutako power pointen bitartez. Honela ikasleek enpresaren merkatal kudeaketa eta marketinaren inguruan ezagutza bereganatuko dutelarik. (IE)



- Klase magistral hauek gela praktikekin osatuko dira benetako kasu praktikoen irakurketa bidez eta hauen ulermen eta aplikaziorako banakako edota taldeko ariketen ebazpenaren bidez. Praktika hauekin teknika eta tresna berriak identifikatzen, aztertzen eta hobekuntzak aplikatzen ikasiko da. (IE)



- Halaber lan hauen artetik batzuk aukeratuko dira klasean ahozko aurkezpenak egiteko eta honela ikasitakoaren emaitzak gainontzeko ikaslegoarekin partekatzeko.

• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 70
  • Praktikak egitea (ariketak, kasuak edo buruketak) (%): 5
  • alde lanak (arazoen ebazpenak, proiektuen diseinuak) (%): 15
  • Lanen, irakurketen... aurkezpena (%): 10

Froga idatzia %70

Ebaluazio jarraitua %30



Ebaluazio sistema mistoa izango da, hau da, azken notaren %70a suposatuko duen garatzeko froga idatzi bat izango du (azken azterketa), eta gainontzeko %30arentzako ebaluazio jarraitua aplikatuko da.



Ebaluazio jarrai hau klaseko ariketen bitartez (%5), banakako lanak (%5), taldeko lanak (%10), eta ahozko aurkezpenen (%10) bidez egingo da.



Irakasgaia gainditu ahal izateko azterketa idatzia gainditu beharko da.

Ikasleek ebaluazio jarraiari uko egiteko aukera izango dute (edo mistoa), ebaluazio finala aukeratuz, nahiz eta aurretik ebaluazio jarraian parte hartu izan (8.3. artikulua).





Deialdiari uko egiteko azterketara ez aurkeztearekin nahikoa izango da.

Ezohiko deialdiko ebaluazio irizpideak ohiko deialdikoak izango dira.



Kurtsoan zehar lortutako ebaluazio jarraituko nota gordeko da eta bere ponderazioa berdina izango da (%30).



Azken azterketak nota osoaren %70a suposatuko du eta gainditu beharko da irakasgaia gainditu ahal izateko.



Deialdiari uko egiteko azterketara ez aurkeztearekin nahikoa izango da.

- Klasean emango diren apunteak, e-gela bitartez.

- Klasean emango diren ariketa, irakurketa eta kasu praktikoak.

Oinarrizko bibliografia

- Kotler. P. eta Armstrong G., "Marketinaren Oinarriak" 17.edizioa

- Esteban, A eta Lorenzo, Carlota, "Zuzendaritza Komeretziala". ESIC.

Gehiago sakontzeko bibliografia

- Kotler, P., D. Cámara y Grande I. “Dirección de Marketing” Ed Prentice HALL Madrid
- Lambin J.J. “Marketing Estratégico” Ed McGraw-Hill Madrid

Aldizkariak

Journal of Marketing
Journal of Marketing Research
Información Comercial Española.
Revista Española de Investigación de Marketing. ESIC
Distribución y Consumo.

Web helbideak

Aldizkarietako berberak.