Industria Elektronika ikasgaia 2. mailako 1. lauhilekoan ematen da, gradu industrialen hiru adarretan, eta ikasleek elektronikarekin daukaten lehen kontaktua da.



Funtsezkoa da lehenengo mailatik gaitasun hauek eskuratuta edukitzea:



1) Zirkuituen teoriari buruzko oinarriak ezagutzea: Sinbologia (ikurrak), Seinaleen tipologia (zuzena/alternoa); Iturriak, erresistentziak, eta kondentsadoreak; Ohm-en eta Kirchhoff-en legeak (eta nola aplikatu); Batezbestekoak eta Efikazak zertan diren.



2) Aldagai bakarreko kalkulu diferentziala eta integrala menperatzea, gutxienik ere deribatu eta integral ohikoenak ebazteko ahalmena izatea; bestalde, funtzio trigonometrikoak eta euren propietate nagusiak ezagutzea, eta, behar izanez gero, identitate-tauletara eta gisako baliabideetara jotzen jakitea.



3) Ordenadoreak-eta erabiltzeko trebezia minimoa izatea.

GAITASUNAK:

CRI5- Elektronikaren oinarrien ezagutza.



IKASKETA-EMAITZAK:

1. Elektronikaren funtsezko ezagutzak eskuratzea eta garatzea.

2. Ezagutza horiek koherentziaz aplikatuz, arloko arazo teknikoei diagnostikoa eta konponbidea ematea.

3. Arestiko guztia euskaraz txukun eta argiro komunikatzea, hiztegia eta izendapen teknikoak zainduz, baita ezarritako epeak errespetatuz ere.

4. Taldelanean jarduten ohitzea, berdintasuneko harreman pertsonaletan oinarrituz.

5. Ikasten segitzeko grina agertzea, batez ere ikasgaian landutako aplikazioei dagokienez.

1. Elektronikaren aurkezpena

2. Osagai pasiboak

3. Diodoak

4. Transistore bipolarra

5. Anplifikadore operazionala

6. Eremu efektuko transistorea

7. Elektronika digitala

8. Logika konbinazionala

9. Logika sekuentziala

10. Osagai aurreratuak

Irakasteko formato desberdinek honako helburuak dauzkate:

Magistralak (M): Programan zerrendatutako gaien esposizioa, gardenkiez edota ikusentzunezkoez lagunduta.

Gelako Ariketak (GA): M eskolen osagaia, ariketak eta aztergai teknikoak landuz, indibidualki zein lantaldeetan.

Azkenik, laborategiko saioak dauzkagu, ikasgaiaren atal praktikoena; bikoteka edo hirukoteka lantzeko, gehienbat.

• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 80
  • Laborategia (%): 20

Azken ebaluazioaren sistema aplikatuko da, baina derrigorrezko laborategiko praktikak ere egingo dira lauhilekoan zehar.



Beraz, irakasgaiaren nota (10 puntu) bitan banatzen da:

- Azterketa idatzia (bi atal dituena: teoria eta ariketak, ohiko deialdian): 8 puntu

- Laborategia (praktikak eta azterketa, lauhilekoan zehar): 2 puntu



GARRANTZITSUA:

- Irakasgaia gainditu ahal izateko aurreko atal bakoitzaren nota %50a izan behar da gutxienez; gainera, azterketa idatziaren atal bakoitzarena %40a izan behar da gutxienez. Minimoak lortuz gero eta hauen batura 5 edo gehiago bada, irakasgaia gaindituko da. Atalen batean adierazitako gutxienekoa lortzen ez bada, ez da irakasgaia gaindituko eta gehieneko nota 4 izango da (10etik).



- Deialdiari uko egiteko nahiko da azterketara ez joatea. Laborategia gaindituz gero, lortutako nota ezohiko deialdia arte gordeko da. Idatzitako azterketa gaindituz gero, nota hau ere gorde egingo da ez-ohiko deialdirako.



Osasun egoerak aurrez aurreko irakaskuntza edota ebaluazioa eragotziz gero, onlineko jarduerara joko da eta ikasleei aldaketa horren berri emango zaie.

Bi aukera daude:

- Laborategia gainditu dutenek azterketa idatzia egingo dute.

- Laborategia gainditu ez dutenek azterketa idatzia eta azterketa praktikoa egingo dituzte.



Kasu bietan, irakasgaia gainditu ahal izateko atal bakoitzaren nota %50a izan behar da gutxienez; gainera, azterketa idatziaren atal bakoitzarena %40a izan behar da gutxienez. Minimoak lortuz gero eta hauen batura 5 edo gehiago bada, irakasgaia gaindituko da. Atalen batean adierazitako gutxienekoa lortzen ez bada, ez da irakasgaia gaindituko eta gehieneko nota 4 izango da (10etik).



Deialdiari uko egiteko nahiko da azterketara ez joatea.



Osasun egoerak aurrez aurreko irakaskuntza edota ebaluazioa eragotziz gero, onlineko jarduerara joko da eta ikasleei aldaketa horren berri emango zaie.

eGela plataforman aurkituko duzue:
- Eskola magistraletarako: gardenkien kopiak.
- Ariketa saioetarako: ariketen enuntziatuak.
- Laborategiko saioetarako: praktiken enuntziatuak.

Modalitate guztietan: oharrak hartzeko koadernoa, boligrafoa, arkatza, borragoma, kalkulagailua.

Oinarrizko bibliografia

EUSKARAZ:

J. Aduriz, J. Berra & O. Jaio (2001), Elektronika Analogikoa, Elhuyar fundazioa.

P. Palacios (2003), Oinarrizko Zirkuitu Elektroteknikoak, Elhuyar fundazioa.

J.L. Martin et al. (2010), Elektronika Digitala, EHUko Argitalpen Zerbitzua.

Hainbat Egile (2009), Elhuyar Zientzia eta Teknologiaren Hiztegi Entziklopedikoa, Elhuyar Edizioak / EHU.



ERDARAZ (ingelesez nahiz gaztelaniaz):

P. Horowitz & W. Hill (2015), The Art of Electronics, 3. ed., Cambridge Univ. Press.

A.P. Malvino & D.J. Bates (2007), Electronic Principles, 7. ed., McGraw-Hill.

R. Alvarez Santos (1992), Materiales y Componentes Electrónicos, 7. ed., Editesa. [Orain liburuki bi dira, 1990eko 6. Edizioan liburu desberdin bi zirenak: batetik "pasivos", bestetik "activos"].

Gehiago sakontzeko bibliografia

M.H. Rashid (2004), Power Electronics: Circuits, Devices, and Applications, 3. ed., Pearson.
S. Kasap (2006), Principles of Electronic Materials and Devices, 3. ed., McGraw-Hill.
A. Vladimirescu (1994), The Spice Book, John Wiley & Sons.
V.P. Nelson et al. (1996), Análisis y Diseño de Circuitos Lógicos Digitales, Prentice-Hall.
S. Martinez García & J.A. Gualda Gil (2006), Electrónica de Potencia, Thomson-Paraninfo.
R.V. Horonat (1995), Dispositivos Electrónicos de Potencia: tiristores, triacs y GTO, Paraninfo.
C.J. Savant, M.S. Roden, & J.L. Carpenter (1992), Diseño Electrónico. Circuitos y sistemas, 2. ed., Prentice-Hall.

Aldizkariak

Elhuyar Zientzia eta Teknologia. Aurkibidea eta harpidetza: http://www.zientzia.net/elhuyar.asp
Mundo Electrónico
Nueva Electrónica
Elektor
Resistor

Web helbideak

Elhuyar Zientzia eta Teknologia Hiztegia, http://zthiztegia.elhuyar.org
Euskalbar, Firefox-entzako gehigarria, http://euskalbar.eu
Wikipediako Elektronika kategoria, http://eu.wikipedia.org/wiki/Kategoria:Elektronika
http://www.redeweb.com/
http://www.ipes.ethz.ch/
http://www.ti.com/
http://www.onsemi.com/