Elektronika Analogikoa (EA) Elektronika Industrialeko moduluko ikasgai bat da. Industria Elektronikaren eta Automatikaren Ingeniaritzako (GIEIAU30) graduko ikasgaia da eta Teknologia Elektronikoa ezagutza eremuaren barnean kokatzen da.



Munduko parametro fisiko eta gure zirkuituen arteko konexioan kokatzen da EA. Ikasgai hau menderatzean, ikasleak diodoz, transistorez eta anplifikadore operazionalez osaturiko zirkuituak diseinatu eta muntatzeko ahalmena izango du.



Horretarako, nahitaezkoa da iazko kurtsoko ikasgai hauen gaitasunak eskuratu izana:

-Teknologia Elektrikoaren Oinarriak: zirkuituen analisiari ekin ahal izateko.

-Industria Elektronika: Osagai elektronikoak ezagutu eta non/nola erabili jakiteko.



Era berean, EAn landuko ditugun gaitasunak lagungarri izango zaizkizue aurtengo bigarren lauhilekoko ikasgai hauetarako:

-Tresneria Elektronikoa: seinalea atontzeko zirkuitu tipikoenen jarduera ulertzeko.

-Potentzia Elektronika: potentziako dispositiboen gako nagusiak ezagutzeko.



Azkenik, azpimarratzekoa da aurtengo lehenengo lauhilekokoa den Teknologia Elektronikoarekin EAk daukan lotura estua.

1. Zirkuituen diseinu eta analisia egiteko ikuspegi egituratuta eta ordenatuta garatzea.

2. Zirkuituen diseinua balioztatzea, software tresnen bidez.

3. Zirkuituen memoria teknikoa prestatzea, beraren funtzionamendu eta ezaugarriak modu argi eta zehatz batean deskribatuz.

I. BLOKEA: Anplifikadore Operazionalak: inperfekzioak; iragazkiak; osziladoreak.

II. BLOKEA: Transistoredun Zirkuituak: korronte-iturri eta -ispiluak; jarraitzaileak; cascoding; bikote diferentziala; eta abar.

Ikasleen presentziazko eta presentziarik gabeko lanaren planifikazioan oinarritzen da ikasgai hau. Presentziazko jardueretan oinarrituriko metodologia erabiliko da. Presentziazko jardueretan ikasleek bai ikasgelan bai laborategian beharrezkoak diren gaitasunak garatuko dituzte.



Presentziazkoak bi motakoak izango dira:

TEORIA ETA ARIKETAK: bertan, irakasleak kontzeptu teorikoak aurkezten ditu, eta ariketak aurkeztu eta ebazten ditu; aldi berean, ikasleei beste ariketa batzuk proposatzen dizkio.

LABORATEGIKO SAIOAK: teoriarekin eta ariketekin erlazionaturiko praktikak garatu eta muntatzen dira laborategian.



Presentziarik gabekoetan, ikasleek bakarka nahiz taldeka egiten dute lan; adibidez, praktiken txostenak eta hainbat lan eta azterketa sistematizatuak. Baina betiere irakaslearen aurrez-aurreko superbisiorik gabe.

• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 60
  • Test motatako proba (%): 20
  • Laborategiko Praktikak (%): 20

Azken ebaluazioa aplikatuko da, baina ikasturtean zehar nahitaezko laborategi praktikak eginez, eta arau hauek ere oinarri harturik:

1) Idatzizko azterketara agertzen ez bazara, “ez aurkeztua” kalifikazioa izango duzu, eta deialdiari uko egin diozula ulertuko da.

2) Ikasgaia gainditzeko nahitaezkoa da idatzizko azterketaren atal bakoitzean, alegia testean eta ariketetan, gutxienezko 5eko kalifikazioa (10etik) lortzea, baita laborategiko atalean ere.

3) Idatzizko azterketa suspenditu baina laborategiko atala gainditzekotan, bertan lortutako kalifikazioa ezohiko deialdirako gordeko da, baina sekula ez hurrengo ikasturte(eta)rako.



Idatzizko azterketa dela-eta: aurreko atalean aipatzen den testaren pisua ez da finkoa, baizik eta maximoa; eta betiere "garatu beharrekoa" + "testa" = %80. Bestalde, azterketa hori bakarra izan liteke, lauhilekoaren amaieran, edo I. eta II. Eduki-Blokeen artean egin litekeen beste batekin osatu.

Azken ebaluazioa aplikatuko da, arau hauei ere jarraituz:

1) Hemen ere, idatzizko azterketara agertzen ez bazara, “ez aurkeztua” kalifikazioa izango duzu, eta deialdiari uko egin diozula ulertuko da.

2) Halaber, ikasgaia gainditzeko atal guztietan gutxienezko 5eko kalifikazioa (10etik) lortu beharko duzu.

3) Ohiko deialditik laborategiko atala gaindituta baduzu, idatzizko azterketa bakarrik egin beharko duzu. Bestela, laborategiko azterketa praktikoa ere egin beharko duzu.

eGELA plataforman eskainitako materiala (aurkezpenen diapositibak, ariketak, praktiken gidoiak, etab).

Oinarrizko bibliografia

A.S. Sedra, K.C. Smith. Microelectronic Circuits. Int 7th Ed. 2016. Oxford U.P.

R.L. Boylestad, L. Nashelsky. Electronic Devices and Circuit Theory. 11th Ed. 2013. Pearson.

Gehiago sakontzeko bibliografia

P. Horowitz, W. Hill. The Art of Electronics. 3rd Ed. 2017. Cambridge U.P.
P.R. Gray, P.J. Hurst, S.H. Lewis, R.G. Meyer. Analysis and Design of Analog Integrated Circuits. 5th Ed. 2009. Wiley.

Aldizkariak

Online:
https://www.electronicdesign.com
http://www.elektor-electronics.co.uk
http://www.nuevaelectronica.com

Paperean, gaztelaniaz:
Revista Española de Electrónica REE
Nueva Electrónica
Electrónica Fácil

Web helbideak

Txipgileak: analog.com, ti.com
Online dendak: biltron.com, digikey.es, es.farnell.com, es.rs-online.com
Bob Pease-ren artikuluen biltegia: https://www.electronicdesign.com/home/contact/21809514/bob-pease

Foroak, tutorialak, muntaketak egiteko kit-ak:
https://www.velleman.eu/products/list?id=456012
http://www.electronicafacil.net

LTSpice, lizentziarik eskatzen ez duen simulazio-softwarea:
https://www.analog.com/en/design-center/design-tools-and-calculators/ltspice-simulator.html
http://ltwiki.org/?title=Main_Page