Industria-informatika informazioaren tratamendu automatikoaren zientzia da, konputagailu elektronikoen bidez egiten dena. Beraz, hurrengo galderak erantzuten saiatuko gara: Zer da informazioa?, Nola lortzen da informazioa?, Zertarako behar da informazioa?, Nola igor daiteke informazioa?, Nork erabiliko du informazioa?, Zein baliabide ditugu informazioaren automatizaziorako?

- Industriako komunikazio sistemen dokumentazio teknikoa ulertu eta mota honetako sistema bat garatzeko irtenbide egokiena identifikatu.

- Edozein industriako prozesuaren kontrol-sistema aztertu eta inolako erreferentzia teknologiko gabe bere funtzionamendua irudikatu.

- Automata programagarriak erabiliz, edozein industriako prozesuaren kontrol-sistema diseinatu eta garatu, espezifikazio jakin batzuk jarraituz, bakarkako eta taldeko lan kooperatiboaren bidez.

- Edozein lantegiko prozesuaren SCADA edo datuen eskuraketa eta kontrolaren gainbegiratze sistema diseinatu eta garatu, bakarkako eta taldeko lan kooperatiboaren bidez.

Gela magistralak:

- Industria-Informatika eta aplikazio eremua. Automatizaio piramidea eta datuen eskuraketa eta kontrolaren gainbegiratze sistemak aurkeztu ditu.

- Komunikazio kontzeptu orokorrak. Komunikazioan parte hartzen duten elementuak, datu-igorpen analogikoa eta digitala, multiplexazioa, konmutazioa, maila fisikoarentzako interfaze estandarrak eta komunikazio potokoloak aztertzen ditu.

- Komunikazio-sareak. Komunikazio-sareen sailkapenak egiten ditu, automatizazio piramidearen mailaren arabera, sailkapen geografikoaren arabera, igorpen teknologiaren arabera, erabiltzen duten kanalaren arabera eta azkenik sareen abantailak eta desabantailak aurkezten ditu.

- OSI/ISO erreferentzia eredua. OSI mailen oinarrizko deskribapena egiten du, datuen igorpena OSI ereduan aurkezten du, OSI ereduen maila fisikoa, lotura-maila eta sare-mailaren deskribapen zehatza egiten du eta azkenik, merkatu eta teknologi joerak aipatzen ditu.

- Sare baten osagaiak. Irakasgai honek sare-txartelak, transmisiobideak (kable paraleloa, bikote kordatua, kable koaxiala, zuntz optikoa eta irrati eta mikrouhinak), konexiorako osagaiak (DB konektorea, RJ konektorea, BNC konektorea eta bestelako konektoreak), bitarteko osagaiak (errepikagailua, zubia, router eta gateway), sare topologiak (izarra, busa, eraztuna, eraztuna-izarra eta zuhaitza) eta kableaketak aurkeztu dizkio ikasleari.

- TCP/IP erreferentzia eredua. Irakasgai honek TCP/IP ereduaren geruzak aztertzen du, sarera sartzeko, IP internet, garraio eta aplikazio protokoloak aurkeztuz eta azkenik, gure ordenagailuan nola eta non dauden protokolo hauek erakusten du.



Gelako praktikak:

- Teorikoa, GRAFCET-aren deskribapen orokorra, oinarrizko osagaiak, arauak, mailak, makroetapak, oinarrizko egiturak , akzioen eta errezeptibitateen deskribapen zehatza eta oinarrizko prozedurak (funtzionamendu-prozedurak, geldialdi-prozedurak eta larrialdi-prozedurak) sakon aztertzen dituena.

- Praktikoa, GRAFCET-aren ariketak garatuz: zati nagusia, hasierako baldintzak, larrialdia, eskuzko funtzionamendua, funtzionamendua automatikoa, hasierako eta amaierako funtzionamendua, talde-lana.



Laborategiko praktikak:

- PLC Automata programagarriaren lan-eremua. Programazioaren sarrera. Programazio-eremua. Lengoaia. Ariketak.

- Kontrol ariketak gauzatuz.

- Komunikazioak, FIPWAY sarea erabiliz, automata biren arteko komunikazioa ezarri erabiliz.

- Talde-lana

- Gela magistraletan, gai zerrendako irakasgaiak garatuko ditugu proiektorea erabiliz.



- Gelako praktiketan, prozesu automatikoen kontrol-sistemen diseinurako ariketa praktikoak garatuko ditugu.



- Laborategiko praktiketan, prozesu automatikoen kontrol-sistemen diseinurako ariketa praktikoak gauzatuko ditugu.

• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 60
  • Praktikak egitea (ariketak, kasuak edo buruketak) (%): 20
  • alde lanak (arazoen ebazpenak, proiektuen diseinuak) (%): 20

a) Ebaluazioa:

-Azterketa idatziak %60-ko pisua izango du: zati teorikoa %40-ko pisuarekin, eta praktikoa %20-koarekin. Ebaluazio mota hau proba baten edo gehiagotan burutuko da eta Ohiko deialdiarekin bat datorren probarekin osatuko da.

-Laborategiko praktikak %20-ko pisua izango du: praktikak laborategian egitea beharrezkoa da, txostenak aurkeztu eta kontrolak burutu beharko dira.

-Proiektuak %20-ko pisua izango du: ikasle talde baten barnean kontrol-sistema praktiko bat garatzean datza.

Zati bakoitza gainditzean, irakasgaiaren batez bestekoa egingo da.



b) Ikasleak uko deialdiari:

1.- Deialdiari uko egiten dioten ikasleek «aurkezteke» kalifikazioa jasoko dute.

2.- Deialdiari uko egin nahi dioten ikasleek kasuan kasuko irakasgaiaren irakaskuntza aldia bukatu baino, gutxienez, hilabete lehenago egin beharko dute eskaria. Eskari hori idatziz aurkeztu beharko zaio irakasgaiaren ardura duen irakasleari.

3.- Azken ebaluazioaren kasuan, azterketa egun ofizialean egin beharreko probara ez aurkezte hutsak ekarriko du automatikoki kasuan kasuko deialdiari uko egitea.



c) Azken ebaluazioa:

Ikasleek eskubidea izango dute azken ebaluazio bidez ebaluatuak izateko, etengabeko ebaluazioan parte hartu zein ez hartu. Eskubide hori baliatzeko, ikasleak etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari eta, horretarako, bederatzi asteko epea izango du, ikastegiko eskola egutegian zehaztutakoarekin bat lauhilekoa hasten denetik kontatzen hasita.

Azken ebaluazioa proba bakarrean gauzatuko da %100-ko pisua izango du, non zati teorikoak %60-koa, praktikoak %20-koa eta laborategiak %20-ko pisua izango dute. Atal bakoitza gainditzean, bata-bestekoa egingo zaio.

Proba bakarra %100-ko pisuarekin: zati teorikoak %60-koa, praktikoak %20-koa eta laborategia %20-ko pisua izango du. Atal bakoitza gainditzean, batez bestekoa egingo da.



Ikasleak ikasturtean zehar egindako ebaluazioa mantentzea eskatzen badu, orduan, proba bakarra izango du, %60-ko pisuarekin: zati teorikoak %40-ko pisua, atal honetan beharrezkoa da 5 edo gehiago lortzea azterketaren bata-bestekoa egiteko, eta praktikoak %20-koa.

Irakasleak emandako materiala:
- Irakasgaien apunteak
- Gelako praktiken apunteak
- Laborategiko praktiken apunteak
- Beste batzuk.

Oinarrizko bibliografia

Josep Balcells, Jose Luis Romeral."Autómatas Programables". Ed.: Marcombo.



Enrique Mandado, Jorge Marcos, Celso Fernandez, Ignacio Armesto, Jose Luis Rivas y Jose Maria Nuñez. "Sistemas de automatización y autómatas programables". Ed. Marcombo



Stallings, W. "Comunicaciones y Redes de Computadores". Ed.: Prentice Hall Iberia.



TANENBAUM A.S. Redes de Computadoras (castellano e inglés)

Gehiago sakontzeko bibliografia

Pere Ponsa, Ramon Vilanova. “Automatización de procesos mediante la guía GEMMA” Ed.: Universidad Politécnica de Cataluña, S.L.

Isabel Sarachaga, Arantza Burgos, etc. "Comunicación y Redes de Área Local". Ed.: Sección de Publicaciones de la E.T.S.I.I. y de I.T. de Bilbao.

Aldizkariak

Automática e Instrumentación

Web helbideak

https://ocw.ehu.eus/course/view.php?id=415
http://www.lab.ens2m.fr/cours_automatique/grafcet/grafcet.htm
http://www.dea.icai.upco.es/jarm/Asignaturas/PLC/6graf/sld001.htm
http://isa.uniovi.es/~vsuarez/ii/
http://www.angelfire.com/wi/ociosonet/15.html
http://isa.uniovi.es/~sirgo/redes/
http://www.hispazone.com/redestuto.asp
http://www.abcdatos.com/tutoriales/redes/genericos.html
http://www.it.uc3m.es/~jmoreno/telematica/servidor/apuntes/menu-apuntes.htm
http://isa.uniovi.es/docencia/docencia.html