Irakasgaiak espezialitatearekin izena konpartitzen du: "Software Ingeniaritza". Espezialitatea osatzen duen 8 derrigorrezkoen arteko irakasgai bat da eta lehendabiziko lau hilabetean irakasten da.



Irakasgaiaren helburu nagusia, bigarrengo kurtsoan "Software Ingeniaritza" derrigorrezko irakasgaian garatu den aplikazioaren diseinu, inplementazio eta aplikazio proben sakontzean oinarritzen da.



Irakasgai honetan ere aplikazio baten garapenean oinarrituta egongo da baina aurreko irakasgaian sakontasun gutxiagorekin landu diren aspektuak landuz, hau da, aplikazioaren probak, mantenua eta diseinua. Inplementazio ikuspuntutik, framework-ak erabiltzen dituzten teknologia konplexu eta eraginkorragoak erabiliko dira.

Irakasgaia gainditu ondoren, ikasleak konpetentzia zehatz batzuk lortu beharko ditu; honako gai hauekin zerikusia duten konpetentziak: software proben kudeaketa sistematikoa, software mantenua, software diseinua, eta inplementazioa. Jarraian erakusten dira espero diren lau ikaskuntza emaitzak.



* Software sistema baten probak modu sistematiko batean kudeatzeko proba-metodoak ezagutu



* Software mantenu teknikak ezagutu eta aplikatu.



* Kalitatezko software sistemak diseinatu ezagunenak diren diseinu patroiak aplikatuz.



* Software sistema bat inplementatu framework batzuk erabiliz.

1 GAIA: Software probak

1.1.- Proben diseinua

1.2.- Proben inplementazioa

2. GAIA: Software mantenua

2.1.- Mantendu motak

2.2.- Errefaktorizazioa

3. GAIA: Diseinu aurreratua

3.1.- Objektu zuzendutako SOLID printzipioak

3.2.- Diseinu patroiak

4. GAIA: Framework-ak

4.1.- JSF

4.2.- Hibernate

Proiektu baten garapena irakasgaiaren aktibitate nagusia izango da. Klase batzuetan proiektua garatzeko behar diren eduki teoriko minimoak aurkeztuko dira, beste batzuetan laborategi gidatuak eta ariketak proposatuko dira. Klase guztiak proiektuaren garapenari begira zuzenduta egongo dira. Bukaeran ikasleek proiektuak defendatu beharko dituzte.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Praktikak egitea (ariketak, kasuak edo buruketak) (%): 60
  • Banakako lanak (%): 40

Bi bide daude ikasgaia gainditzeko: ebaluazio globala (bukaeran), eta ebaluazio jarraitua. Hasieran ikaslea ebaluazio jarraituaren aukeran dago, eta 9. aste arte aukera dauka uko egiteko irakasleari idatzi bat aurkeztuz. Momentu horretan irakasleak ikaslearen %60 ebaluatuta izango du.



Ebaluazio jarraituak ikaslearen parte hartze aktiboa eskatzen du; beraz, ikasleak eskoletara eta laborategietara etorri beharko du, haietan parte hartu, eta proposatutako jarduerak (ariketak, lanak, praktikak, azalpenak...) egin beharko ditu.



Edozein kasutan, bai ebaluazio jarraituan eta globalezko ebaluazioan proiektu bat gainditzea ezinbesteko baldintza bat da. Proiektua azterketa baino aste bat lehenago aurkeztu beharko da

Jarraian ebaluazio mota bakoitzeko egin behar diren jarduerak eta balorazioak aurkezten dira:



EBALUAZIO GLOBALA:

%70 Azterketa finala

%30 Proiektu baten garapena eta defentsa



Irakasgaia gainditzeko azterketa eta proiektua gainditu behar dira. Ikasleak proiektuaren enuntziatua irakasleari eskatu beharko dio azaroak 1 baino lehenago, proiektuaren entrega eta defentsa azterketaren aurreko astean izango da.



EBALUAZIO JARRAITUA



Lehenengo 3 gaiek %60ko pisua dute (%30a 1. gaia, %10s 2. gaia eta %20a 3. gaia) ebaluazioan, eta 4. gaiaren pisua %40koa da. Gainera, proiektu bat eta hainbat banako lan eta praktika garatu beharko dira.



Ikasleak irakasgaia bukatzen den baino hilabete bat lehenago aukera dauka ebaluazio jarraituari uko egiteko.

EBALUAZIO GLOBALA:

%70 Azterketa finala

%30 Proiektu baten garapena eta defentsa



Irakasgaia gainditzeko azterketa eta proiektua gainditu behar dira. Ikasleak proiektuaren enuntziatua irakasleari eskatu beharko dio apirilak 1 baino lehenago, proiektuaren entrega eta defentsa azterketaren aurreko astean izango da.

Irakasgaiaren ikasgela birtualean (eGela) eskura dagoen materiala.

Oinarrizko bibliografia

Software Ingeniaritzako liburu orokorra:

Ingeniería del Software. Un enfoque práctico. Roger S. Pressman. MacGraw-Hill, 2001. 7ª Edición.McGraw-Hill.



Probei buruzko liburua:



JUnit in action second Edition. P. Tahchiev, F. Leme, V. Massol, G.Gregory. Manning Pres. 2011.



Mantenuari buruzko liburua:



Refactoring: Improving the Design of Existing Code. Martin Fowler, Kent Beck, John Brant, William Opdyke, Don Roberts. Addison-Wesley. 2000.



Diseinu aurreratuari buruzko liburua:

Head First Design Patterns. E. Freeman, E. Robson, B. Bates, K. Sierra. O'Reilly 2000.



Applying UML and Patterns: An Introduction to Object-Oriented Analysis and Design and Iterative Development. Prentice Hall.



Inplementazioari buruzko liburuak. Hauek dira irakasgaian erabiltzen diren teknologia buruzko liburu nabarmenak:



Professional Java Development with the Spring Framework. R. Johnson, J. Hoeller, A. Arendsen, T. Risberg, C.Sampaleanu. Wrox 2005.



POJOs in Action. Developing Enterprise Applications with Lightweight 
Frameworks. C. Richardson. Manning 2005.



Java Persistence with Hibernate. Second Edition of Hibernate in Action. C. Bauer, 
Gavin King. Manning 2006.