Ikasgaia Informatika Ingeniaritzako graduko Konputagailuen Ingeniaritza espezialitatekoa da. Gainera, laugarren mailan hautazko gisa ere eskaintzen da.



Gaur egun zibersegurtasuna informatikako arlo garrantzitsuenetako bat bihurtu da, eta sistema informatiko baten maila guztietan aurkitu daiteke. Konputagailuen Ingeniaritza espezialitatea hiru adarretan banatzen da: Sareak eta Sistemak, Arkitektura eta Teknologia, eta adar bakoitzean segurtasuna gero eta garrantzitsuago da. Ikasgai honetan, gaur egun gehien erabiltzen diren eraso motak eta teknikak aztertuko dira, eta eraso horiek detektatzeko eta saihesteko moduak ere landuko dira, hori guztia, ikasleak zibersegurtasunari buruzko ikuspegi orokorra izan dezan eta azpiegiturak babesteko gai izan dadin.



Zibersegurtasunaren hainbat arlo landuko dira, besteak beste, kriptografia (klasikoa, kuantikoa, postkuantikoa, eta kriptoanalisia), sistema informatikoen segurtasun maila neurtzeko teknikak eta metodologiak (Auditories and Penetration testing), erroreen azterketa eta horien erabilera sistemaren segurtasuna arriskuan jartzeko, Zaurgarritasunak eta exploitak, edota Industria-zibersegurtasuna.



Irakasgaia egiteko ez dago aldez aurreko baldintzarik baina gomendatzen da espezialitateko 1. lauhilabeteko ikasgai guztiak gainditura edukitzea, eta 2. lauhilabeteko ikasgai guztietan matrikulatuta egotea.

Ikasleak irakasgaia gainditutakoan honako emaitza hauek bereak egingo ditu:

1. Kriptografia klasikoa, bai simetrikoa bai asimetrikoa, ulertzea eta hori erabilita, programak garatzea.

2. Gakoen banaketa arazoa konpontzeko, kriptografia kuantikoaren algoritmoak ezagutu.

3. Gehien erabiltzen diren eraso motak ezagutzea.

4. Auditoretzak eta sartze-azterketak egiteko erabiltzen diren metodologiak eta tresnak ezagutzea.

5. Industria ingurunetan erabiltzen den SCADA arkitektura ulertzea eta bera babesteko moduaz jabetzea.

1. gaia. Sarrera

2. gaia. Kriptografia klasikoa

3. gaia. Kriptografia aurreratua

4. gaia. Kriptoanalisia

5. gaia. Auditoretzak eta sartze-azterketak

6. gaia. Zaurgarritasunak eta exploitak

7. gaia. Industria-zibersergurtasuna

Irakasgai honetan hainbat irakaskuntza-metodologia konbinatzen dira. Alde batetik, irakasgaiaren kontzeptuak azaltzeko azalpen eskolak emango dira, eta ikasleek parte hartuko dute horiei buruzko eztabaidetan. Ariketak eta problemak bakarka edo taldean garatuko dira, eta gelan egiten direnak modu parte-hartzailean ebatziko dira.



Bestalde, proiektu praktikoak garatuko dira taldeka eta bakarka. Horietan, ikasleek eduki teorikoak landu beharko dituzte proposatutako bibliografia eta klasean emandako materiala erabiliz.



Ikasleen ikaskuntza errazteko eta bermatzeko, gelako eta ordenagailuko praktiken jarraipena eginen da. Aldez aurretik ezarritako ebaluazio-irizpideen arabera feedback-a emango zaie, ikasleak beren ikasketa-prozesuaz jabetzeko.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Ehunekoak eta ebaluazio motak ondorengo ataletan adierazten dira. (%): 100

Ondorengo bi ebaluazio sistemen artean aukeratu beharko du ikasleak: ebaluazio jarraia eta ebaluazio globala. Ebaluazio jarraia izango da ebaluazio sistema lehenetsia, UPV/EHUko indarrean dagoen araudian adierazten den moduan.



a. Ebaluazio jarraitua



Ebaluatzeko modu lehenetsia da eta ohiko deialdirako bakarrik balio du.



Ebaluazio sistema honetan jarraituko diren ehunekoak honako hauek dira:

- Banakako azterketa: % 40

- Taldeka burututako lan praktikoak: % 60



Ikasgaia gainditzeko, azkeneko nota 5ekoa izateaz gain, ebaluazioko proba guztietan gutxienez 4 puntu (10en gainean) atera behar dira.



Ikasleak aktiboki eta etengabe parte hartzea eskatzen du, ondorengo baldintzekin:

- Klaseetara eta laborategietara joatea: justifikaziorik gabeko klase faltak ezingo dira 5 baino gehiago izan.

- Ariketa eta lan guztiak entregatzea eta egindako entrega bakoitzean gutxienez 4 puntuko nota (10etik) lortzea.

- Ebaluazio-probak egitea eta egindako proba bakoitzean gutxienez 4 puntuko nota (10etik) lortzea.



Aipatutako baldintzak betetzen ez badira, ebaluazio orokorrera pasatuko da. Ebaluazio jarraituko baldintzak beteta, ebaluazio globala aukeratzea erabakitzen duten ikasleek, irakasgaiaren ardura duen irakasle-taldeari jakinarazi beharko diote jarrian adierazitako epe eta eran: posta elektronikoz hamargarren astea baino lehen. Deialdiari uko egiteko nahikoa izango da ebaluazio jarraitua amaitu baino lehen uztea eta amaierako azterketa ez egitea.



b. Ebaluazio globala



Ebaluazio sistema honetan jarraituko diren ehunekoak honako hauek dira:

- Banakako azterketak: % 40

- Banaka burututako lan praktikoak: % 60



Ikasgaia gainditzeko, azkeneko nota 5ekoa izateaz gain, ebaluazioko proba guztietan gutxienez 4 puntu (10en gainean) atera behar dira.



Deialdiari uko egiteko nahikoa izango da azken azterketa ez egitea.

Ebaluazio sistema honetan jarraituko diren ehunekoak honako hauek dira:

- Banakako azterketak: % 40

- Banaka burututako lan praktikoak: % 60



Ikasgaia gainditzeko, azkeneko nota 5ekoa izateaz gain, ebaluazioko proba guztietan gutxienez 4 puntu (10en gainean) atera behar dira.

Irakasleak eGelan eskuragarri utzitako materiala: gidak, adibideak eta enuntziatuak

Oinarrizko bibliografia

- Understanding Cryptography: A Textbook for Students and Practitioners, Christof Paar, Jan Pelzi, Bart Preneel, 2011

- Quantum Cryptography: From Key Distribution to Conference Key Agreement (Quantum Science and Technology), Federico Grasselli, 2021

- Industrial Cybersecurity: Efficiently secure critical infrastructure systems. Pascal Ackerman, 2017.